दुई कृति एकसाथ विमोचन

काठमाडौँ । चारु साहित्य प्रतिष्ठानको आयोजनामा काठमाडौँ, भक्तपुर, ललितपुरका स्रष्टाहरू बीच पुस्तक लोकार्पण तथा तीज विशेष कार्यक्रम होटल हार्दिकको काव्य हलमा सम्पन्न भयो । खोरिया साहित्य सृजना र टुक्का साहित्य समाज कार्यक्रमको सह(आयोजक मुख्य भूमिकामा रहेका थिए ।

चारु प्राणेता डा.देवी पन्थीको सभापतित्व र वरिष्ठ साहित्यकार रामकृष्ण वान्तवाको प्रमुख आतिथ्यमा भएको उक्त कार्यक्रममा वरिष्ठ साहित्यकार तथा समाजसेवीहरू कलानिधि दाहाल, युवराज नयाँघरे, उर्मिला पन्त पाण्डेय, गंगा कर्माचार्य पौडेल, माया पौडेल, सुप्रभात भण्डारी, ध्रुवप्रसाद गजुरेल विशेष अतिथिको रूपमा उपस्थित रहेको थियो । आमन्त्रित स्रष्टाहरुलाई खोरियाका प्रणेता जनार्दन अधिकारी धड्कनले स्वागत गरेका थिए ।

कार्यक्रममा डा। देवी पन्थीद्वारा लिखित तथा भुँडी पुराण प्रकाशनद्वारा प्रकाशित “गजलको सिद्धान्त र गजलको परिवर्तित स्वरुप चारु” तथा ताराप्रसाद चापागाईंद्वारा लिखित तथा प्रकाशित “टुक्का” पुस्तकको प्रमुख अतिथि रामकृष्ण वान्तवा र अन्य विशिष्ट अतिथिद्वारा संयुक्तरूपमा लोकार्पण गरिएको थियो ।