नमो क्षेत्रपाल हेल्थ होमद्वारा प्रहरीलाई १६ सय मास्क प्रदान

कोरोना भाइरस संक्रमणको महामारीमा फ्रन्टलाइनमा बसेर काम गरिरहेका प्रहरीलाई नमो क्षेत्रपाल हेल्थ होम ले १६ सय मास्क सहयोग गरेको छ । आज हेल्थ होमका सञ्चालकले काठमाडौँका विभिन्न स्थानमा रहेका प्रहरी चौकीमा पुगेर मास्क प्रदान गरेका हुन् ।

अस्पतालका सञ्चालक ममता रानभाट, रविन खत्री र समिता केसीको संयुक्त टोलीले उपत्यकाका जनसेवा न्युरोड, सोह्रखुट्टे, स्वयम्भू, बालाजु हाइट, महाराजगंज, अनामनगर प्रहरी प्रभाग र बनस्थली प्रहरी चौकीमा पुगेर मास्क प्रदान गरेको हो ।

हेल्थ होमले यसअघि पनि निःशुल्क स्वास्थ्य शिविर सञ्चालन सहित विभिन्न सामाजिक सेवाका कामहरु गर्दै आइरहेको सञ्चालक मध्येकी एक समिता केसीले बताइन् ।

पाइल्स, फिस्टुला, फिसर, कब्जियत, ग्याष्ट्रिक, अल्सर, जन्डीस, पिनास, माइग्रेन (टाउको दुख्ने), बाथ रोग, युरिक एसिड, दम, उच्च रक्तचाप, सुगर, नशाको समस्या, स्त्रीरोग, महिनावारी समस्या लगायत विभिन्न रोगहरुको वरिष्ठ चिकित्सकहरुको सहभागितामा निःशुल्क स्वास्थ्य जाँच गरि बिरामीहरुको सेवा गर्दै आएको छ।