नाट्टाका पूर्व अध्यक्ष खनाल प्रति श्रद्धान्जली सभा सम्पन्न

नेपाल एशोशियसन अफ टुर एण्ड ट्राभल एजेन्ट्स (नाट्टा) ले पूर्व अध्यक्ष यादव प्रसाद खनालको स्वर्गारोहण भएको तेह्रौं दिनको पूण्यतिथिमा सोमवार एक श्रद्धान्जली सभा आयोजना गरेको छ । तत्कालिन समयमा सीता ट्राभल प्रा.लि.का सञ्चालक रहेका खनाल सन १९६८ देखि १९७० सम्म नाट्टाको अध्यक्ष रहेका थिए ।

श्रद्धान्जली सभामा नाट्टाका पूर्व अध्यक्षहरु आर.एम.सिंह,ध्रुवनारायण श्रेष्ठ,रामकाजी कोने,अर्जुन शर्मा,वरिष्ठ पर्यटन व्यवसायि विक्रम पाण्डे,श्याम प्रसाद थपलिया लगायत नाट्टाका पदाधिकारी तथा सदस्यहरुको उपस्थिति रहेको थियो । उपस्थित सवैले खनालको तस्विरमा फुल अर्पण गरि श्रद्धान्जली व्यक्त गरेका थिए ।

श्रद्धान्जली सभामा बोल्दै नाट्टाका अध्यक्ष मधुसुदन आचार्यले खनाललाई आँफुले एक स्पष्ट वक्ताको रुपमा पाएको वताए । त्यस्तै नाट्टाका पुर्व अध्यक्ष आर.एम.सिंहले नाट्टाको स्थापना गर्न खनालको भुमिका महत्वपूर्ण रहेको स्मरण गरे । नाट्टाका प्रथम उपाध्यक्ष सि.एन पाण्डेले अग्रजहरुको सम्मानका लागी नाट्टाले यो संस्कार सुरु गरेको वताए । श्रद्धान्जली सभाको सञ्चालन नाट्टाका महासचिव भिम प्रसाद पन्तले गरेका थिए ।