कला/साहित्य

निदाएकै अवस्थामा मृत भेटिए संगीतकार मुनाल

Shikharkhabar

सोमबार, माघ १, २०७४

८

१६ पटक हेरिएको

निदाएकै अवस्थामा मृत भेटिए संगीतकार मुनाल

Shikharkhabar

संगीतकार विजयसिंह मुनालको निधन भएको छ ।
पारिवारिक घुमघामका क्रममा धनगढी पुगेका संगीतकार मुनाल निदाएकै अवस्थामा मृत भेटिएका हुन् ।
पारिवारिक घुमघामका क्रममा टीकापुरमा रहेका उनी हिजो दिउँसो दिनभर घुमे पछि परिवारका सदस्यसँग सामान्य कुरा गरी सुतेका थिए ।

संगीतकार विजयसिंह मुनालको निधन भएको छ । पारिवारिक घुमघामका क्रममा धनगढी पुगेका संगीतकार मुनाल निदाएकै अवस्थामा मृत भेटिएका हुन् । पारिवारिक घुमघामका क्रममा टीकापुरमा रहेका उनी हिजो दिउँसो दिनभर घुमे पछि परिवारका सदस्यसँग सामान्य कुरा गरी सुतेका थिए । तर विहान अचानाक उनलाई मृत अवस्थामा भेटिएको पारिवारिक श्रोतले जनाएको छ । उनको मृत शरिरलाई एम्बुलेन्समार्फत काठमाडौँ ल्याइदैछ । भोली पशुपति, आर्यघाटमा उनको शवलाई विहान ८ बजे अन्तिम श्रद्धान्जलीका लागि राखिने बताइएको छ ।

वाद्यवादक पनि रहेका मुनाल गायक उदितनाराण झा र मधु क्षेत्रीका निकै निकट रहेर काम गरेका संगीतकार हुन् । ५ दर्जनभन्दा बढि गीतमा संगीत दिएका मुनाल पछिल्लो समय काठमाडौँ, बानेश्वरस्थित आफ्नै निवासमा संगीत प्रशिक्षण दिदै आइरहेका थिए । उनले संगीत गरेका ‘तमासा भएछु म त मायाको बजारमा’, ‘तिम्रो अधरले’ लगायतका गीत चर्चित छन् ।