निर्धारित अवधिभन्दा १६ महिना अघि नै बन्यो पुल

अस्बिन खड्का,  १५साउन ।  पूर्वपश्चिम राजमार्ग र राजधानी काठमाडौँ सँग जोड्ने पूर्वपश्चिम राजमार्गको महोत्तरी र धनुषा जिल्लाको सीमा नदी रातुखोला मा  पुन बनेकाे छ।  निर्धारित अवधिभन्दा १६ महिना अघि नै नयाँ पुल निर्माण कार्य सम्पन्न भएको हाे । २०७३ साल असार २९ मा सम्झौतापत्रमा हस्ताक्षर गरेको निर्माण कम्पनी कालिका र रसुवा जेवी काठमाडौँ ले २०७६ साल पुस मसान्तमा पुल निर्माण सम्पन्न गर्ने बताएको थियो ।

तर सो २५० मिटर लम्बाइ र १०.९० मिटर चौडाइको पुल निर्माण काम सकिएर यहि साउन मसान्तभित्रै प्रयोगमा ल्याउने तयारी भएपछि अहिले निर्माण कम्पनीको कामको सबैले तारिफ गरेका छन् ।  पूर्वपश्चिम राजमार्गको रातु नदीमा रहेको पुरानो पुल २०७१ सालको बाढीले भाँसिएपछि आवत जावतमा कठिनाइ भएसँगै सरकारले नयाँ पुल निर्माण गर्ने ठेक्का प्रक्रिया अघि बढाएको थियो । यो पुल २४ करोड ६० लाख ठेक्का बोलकबोलअनुसार निर्माण भयको हो । पुलका पाया भाँसिएसँगै खोलाबाट बनाइएको डाइभर्सन बाढीले लगातार भत्काउँदै लगेपछि गत वर्ष भाँसिएको पुलमा बेलीबृज जडान गरेर यातायात सञ्चालन गरिएको थियो ।