नेपाली भू–भाग भारतीय नक्शामा समेटिएको भन्दै क्षेत्री समाज आक्रोशित
सारांश
- काठमाडौं।
- कालापानी, लिपुलेकलगायत नेपाली भूभागलाई भारतीय क्षेत्रका रुपमा चित्रित गरी भारतले जारी गरेको नयाँ राजनीतिक नक्साप्रति क्षेत्र समाजले आपत्ति जनाएको छ।
- साथै समाजले नेपाली भूभागमाथि भारतीय अतिक्रमणको निन्दा गरेको छ।
काठमाडौं। कालापानी, लिपुलेकलगायत नेपाली भूभागलाई भारतीय क्षेत्रका रुपमा चित्रित गरी भारतले जारी गरेको नयाँ राजनीतिक नक्साप्रति क्षेत्र समाजले आपत्ति जनाएको छ। साथै समाजले नेपाली भूभागमाथि भारतीय अतिक्रमणको निन्दा गरेको छ।बिहीबार समाजले एक विज्ञप्ति जारी गर्दै लामो समयदेखि विभिन्न क्षेत्रमा सीमा रेखालाई नाघेर भारतीय पक्षबाट नेपाली भूभागमाथि कब्जा जमाउने, नेपालहरुलाई आफ्नो घरवासबाट खेद्ने, सीमा क्षेत्रमा अग्ला संरचना बनाएर नेपाली भूभाग डुबानमा पर्ने काम गरेको र पछिल्लो समय कालापानी, लिपुलेकलगायत भूभागलाई आफ्नो नक्शामा राख्ने भारतीय कदमप्रति आपत्ति जनाएको छ।
यस्तो गम्भीर विषयमा नेपाल सरकारलेृ एउटा विज्ञप्ति जारी गर्ने मात्र नभइ आफ्नो मुलुकको भौगोलिक अखण्डताका रक्षा गर्नु सरकारको पहिलो कर्तव्य भएको क्षेत्री समाजले जनाएको छ। ‘सरकारको पहिलो कर्तव्य आफ्नो मुलुकको भौगोलिक अखण्डताको रक्षा गर्नु हो। सरकारले यथाशीघ्र कुटनीतिक माध्यमबाट वार्ता गरी नेपाली भूभाग भारतीय नक्शाबाट हटाउनुपर्छ। ऐतिहासिक तथ्यहरुले ती भूभाग नेपालको रहेको स्पष्ट पार्दछ,’ विज्ञप्तिमा भनिएको छ।
प्रतिक्रिया