नेपाल र भारतबीचको बिधुत व्यापारका लागि निर्माण गरिएको ढल्केबर सवस्टेसन सञ्चालनमा
सारांश
- जनकपुर १ भदौ ।
- नेपाल र भारतबीचको विधुतीय व्यापारका लागि धनुषामा निर्माण गरिएको ढल्केबर सवस्टेसन औपचारिक रूपमा बिहीबार रातिदे खि सञ्चालनमा आएको छ ।
- नेपालकै हालसम्मको ठूलो स्वचालित २२०-१३२ केभी ढल्केबर सवस्टेसनमा चार्ज गरी विद्युत सञ्चालनमा ल्याइएको नेपाल विद्युत् प्राधिकरणका कार्यकारी निर्देशक कुलमान घिसिङले जानकारी दिए ।
जनकपुर १ भदौ । नेपाल र भारतबीचको विधुतीय व्यापारका लागि धनुषामा निर्माण गरिएको ढल्केबर सवस्टेसन औपचारिक रूपमा बिहीबार रातिदे खि सञ्चालनमा आएको छ ।नेपालकै हालसम्मको ठूलो स्वचालित २२०-१३२ केभी ढल्केबर सवस्टेसनमा चार्ज गरी विद्युत सञ्चालनमा ल्याइएको नेपाल विद्युत् प्राधिकरणका कार्यकारी निर्देशक कुलमान घिसिङले जानकारी दिए ।
सवस्टेसन चार्ज भएपछि भारतबाट पहिलोपल्ट २२० केभी प्रसारण लाइनबाट विद्युत् आयात शुरु भएको छ । ढल्केबर सवस्टेसन निर्माण नभएकाले यसअघि १३२ केभीमार्फत् बिधुत आयात भइरहेको थियो ।घिसिङले दुई मुलुकबीचको ढल्केबरमै ४००-२२० केभीको अर्को सवस्टेसन निर्माण गरिरहेको र यसको काम पनि डेढ वर्षभित्रै सकिने जनाए । विद्युत आदान–प्रदानका लागि ढल्केबर–मुजफ्फपुर ४०० केभीको अन्तरदेशीय प्रसारण लाइन यसअघि नै निर्माण भइसकेको थियो ।
सवस्टेसन चार्ज भएपछि नेपाल र भारतबीच थप बिधुत आयात निर्यातका लागि ठूलो पूर्वाधार तयार भएको प्राधिकरणका प्रवक्ता एवं बिधुत व्यापार विभाग प्रमुख प्रबल अधिकारीले जानकारी दिए।स्वचालित भएकाले काठमाडौँको स्युचाटारमा रहेको प्राधिकरणको भारप्रेषण केन्द्रबाटै सवस्टेसनको सञ्चालन र अनुगमन गर्न सकिने छ । सवस्टेसनमा १६०-१६० एमभीए, २२०-१३२ केभीका दुई ट्रान्सफर्मर छन् । सवस्टेसन सञ्चालनमा आएपछि हिउँदमा बढी बिधुत माग हुने समयमा भारतबाट थप बिधुत आयातका लागि अब पूर्वाधार समेत बनेकोे छ ।
यस्तै कुल ४५६ मेगावाटको माथिल्लो तामाकोशी निर्माण भएपछि नेपालमा वर्षायाममा विद्युत् बढी निर्यात गर्नाका साथै उक्त लाइनमार्फत् इनर्जी बैंकिङ गर्न समेत बाटो खुलेको प्रवक्ता अधिकारीले जानकारी दिनुभयो । हाल सो प्रसारण लाइनबाट करीब १०० मेगावाट विद्युत् आयात भइरहेको छ ।
प्राधिकरणले गत हिउँदमा ढल्केबर–मुजफ्फपुर अन्तरदेशीय प्रसारण लाइनमार्फत् बढी विद्युत् माग हुने समयमा दैनिकरूपमा १२० मेगावाटसम्म विद्युत् आयात गरेको थियो । अब थप करीब १५० मेगावाट विद्युत् आयात गर्न सकिने प्राधिकरणले जनाएको छ । मुलुकभित्रको प्रसारण प्रणाली सुदृढीकरणका लागि हेटाैडा–ढल्केबर–इनरुवा ४०० केभी प्रसारण लाइनको निर्माण भइरहेको छ ।
विश्व बैंकको नेपाल–भारतबिधुत प्रसारण तथा व्यापार आयोजना अन्तर्गत सवस्टेसन निर्माण गरिएको हो नेपाल सरकार तथा प्राधिकरणको लगानी र विश्व बैंकको सहुलितपूर्ण ऋणमा प्रसारण लाइन तथा सवस्टेसन निर्माण गरिएको हो ।ढल्केबर सवस्टेसनको बाँकी रहेको काम गराउन टेण्डर गरी जनवरीफमा भारतीय ठेकेदार कम्पनी टेलमोसले छ महिनामा काम सक्ने गरी ठेक्का पाएको थियो २०१८ मा ठेक्का सम्झौता गरिएको थियो ।
प्रतिक्रिया