पूर्व न्यायाधीशहरुले गरे न्यायाधीश सिफारिसको विरोध
सारांश
- काठमाडौं ।
- पूर्वन्यायाधीश फोरम नेपालले न्याय परिषदले सर्वोच्च, उच्च अदालतमा न्यायाधीश नियुक्तिका गरेको सिफारिसप्रति आपत्ति जनाएको छ।
- न्यायाधीश सिफारिस गर्दा न्यायपरिषद् ऐन तथा नियमावली मिचिएको भन्दै आपत्ति जनाएको हो ।
काठमाडौं । पूर्वन्यायाधीश फोरम नेपालले न्याय परिषदले सर्वोच्च, उच्च अदालतमा न्यायाधीश नियुक्तिका गरेको सिफारिसप्रति आपत्ति जनाएको छ।
न्यायाधीश सिफारिस गर्दा न्यायपरिषद् ऐन तथा नियमावली मिचिएको भन्दै आपत्ति जनाएको हो । ऐन, नियमावली पालना गर्नुपर्ने प्रक्रिया पूरा नगरिएको उल्लेख गर्दै वरिष्ठता, अनुभव, कार्यकुशलता, इमाद्यदारी र चारित्रिक शुद्धताको ख्यालसमेत नगरिएको भन्दै विरोध जनाएको छ ।
पूर्व न्यायाधीश फोरमका तर्फबाट महासचिव शम्भुबहादुर खड्काले बुधबार जारी गरेको विज्ञप्तिमा न्यायाधीश नियुक्तिका लागि गरिएको सिफारिसले न्यायापालिकाको गरिमामा आँच पुग्न गएको उल्लेख गरेका छन् । न्यायिक क्षेत्रसँग सम्बद्ध इमानदार र सक्षम व्यक्तिहरू हतोत्साही हुन गएको उल्लेख छ। यसबाट न्याय सम्पादनमा गम्भीर दुष्परिणाम निम्तिन सक्नेतर्फ पनि पूर्व न्यायाधीशले चिन्ता गरेका छन् ।
प्रतिक्रिया