प्रत्येक गाउँपालिका केन्द्रसम्म कालोपत्रे, अस्पताल, विद्यालय…

हेटौडा, ४ जेठ- प्रदेश नम्बर ३ ले बजेट भाषण प्रस्तुत गर्दै प्रत्येक गाउँपालिका केन्द्रसम्म कालोपत्रे गर्ने, प्रत्येक गाउँपालिका, नगरपालिकामा सुविधा सम्पन्न अस्प्ताल, विद्यालय, नमुना विद्युत गृह लगायतका कामलाई अघि सारेको छ ।

प्रदेश नम्बर ३ का आर्थिक मामिला तथा योजना मन्त्री कैलाश ढुंगेलले पहिलो प्रदेशसभाको पहिलो सरकार भएकाले प्रदेशको बजेट निर्माण र कायान्वयन दुवै चुनौतिपूर्ण रहेको बताएका छन् ।

आर्थिक वर्ष २०७५/२०७६ को बिनियोजन विधेयकका सिद्दान्त र प्रथामिकताको सन्दर्भ को प्रि-बजेट प्रस्तुत गर्दै मन्त्री ढुंगेलले बजेट बनाउन र कार्यान्वयनमा चुनौति भएको बताए ।

बजेटले प्राथमिकतामा सुशासन, आर्थिक विकास, कृषिको आधुनिकीकरण, पर्यटन प्रबद्र्धन , प्रदेशका गौरबका योजना, मुख्यमन्त्री ग्रामीण सडक निर्माण लगायतको बिषयलाई उच्च प्राथमिकतामा राखेका छन्।

बजेटमा अनुदानको बिषयमा सरकार गम्भीर रहेको भन्दै परिणाममुखी अनुदान वितरण , सिमान्तकृत समुदाय लक्षित कार्यक्रमलाई समेत प्राथमिकतामा राखेको छ। यसका साथै शिक्षा, स्वास्थ्य, सांस्कृतिक धरोहरको बिषयलाइ पनि बजेटमा महत्व दिईएको छ।

बजेटमा प्रदेश ३ को १३ जिल्लामा सदरमुकाम गाउँपालिका केन्द्रसम्म कालोपत्रे, प्रत्येक स्थानीय तहमा सुबिधा सम्पन्न अस्पताल, विद्यालय, नमुना विद्युत गृहका साथै शीत भण्डारकक्ष निर्माण समेतलाई प्राथामिकतामा राखिएको छ।

आर्थिक मामिला तथा योजना मन्त्री ढुंगेलले बजेट प्रस्तुत गर्दै प्रदेश सरकारले औद्योगिकरणलाइ बढावा दिनुका साथै कृषिलाई निर्यातमुखी बनाउने गरी योजना तर्जुमा गरिएको बताए। अन्तमा उनले प्रत्येक मन्त्रालयले प्रथामिकतामा राखेका योजनालाई विस्तृत र गहन छलफल गरेर मात्र बजेट ल्याइने बताए ।