प्रदेश १ को स्थायी राजधानी र नाम तोक्ला र बर्षे अधिबेशनले ?
सारांश
- अस्बिन खड्का, १७ जेठ ।
- प्रदेश नंं १ को प्रदेश सभाको दोश्रो अधिवेशन बिहिबार (आज) बस्दैछ ।
- नेपालको संबिधान धारा १८३ को उपधारा १ बमोजिम प्रदेश प्रमुख गोबिन्द बहादुर तुम्बाहाङले आज दिउँसो ३ बजेका लागि प्रदेश सभाको बर्षे अधिबेशन आब्हान गरेका छन ।
अस्बिन खड्का, १७ जेठ । प्रदेश नंं १ को प्रदेश सभाको दोश्रो अधिवेशन बिहिबार (आज) बस्दैछ । नेपालको संबिधान धारा १८३ को उपधारा १ बमोजिम प्रदेश प्रमुख गोबिन्द बहादुर तुम्बाहाङले आज दिउँसो ३ बजेका लागि प्रदेश सभाको बर्षे अधिबेशन आब्हान गरेका छन ।
बिहिबारकाे बैठकमा सभामुख प्रदिप कुमार भण्डारीले प्रदेश प्रमुखको कार्यालयबाट आएका पत्र सदनलाई पढेर सुनाउने छन ।
यो अधिबेशनको मुख्य काम भनेको आगामी आर्थिक बर्ष २०७५–०७६ को निति तथा कार्यक्रम ल्याउने हो । सरकारले असार १ गते बजेट ल्याउने तयारी गरिरहेको छ । बैठकमा बजेटमाथि छलफल हुनेछ ।
प्रदेश सरकारलाई आबश्यक पर्ने बिधेयकहरु पनि ल्याउने तयारी गरिएको छ । यही अधिबेशनमा प्रदेशको स्थायी राजधानी र नाम तोक्ने संभावना पनि रहेको छ ।
प्रदेश सभाको पछिल्लो अधिबेशनले प्रदेश सभा नियमावली सहित १२ वटा बिधेयक पारित गरेको थियो । पहिलो अधिबेशन ९३ दिनसम्म चलेको थियो । माघ २२ गते शुरु भएको पछिल्लो अधिबेशनमा ३९ वटा बैठक बसेर बैशाख २६ गते स्थगन भएको थियो ।
प्रतिक्रिया