प्रदेश ५ का १२ जिल्लामा नेकपाकाे भागबण्डा मिल्याे
सारांश
- काठमाडाै, ३१ साउन ।
- एकताको तयारीमा रहेको नेकपाका पूर्व घटकहरु एमाले र माओवादी केन्द्रले प्रदेश ५ मा एकताका लागि भागबण्डा टुङ्ग्याएका छन्।
- जस अनुसार पूर्व माओवादी केन्द्रको आधार क्षेत्र मानिने रोल्पा र रुकुम (पूर्वी भाग) को नेतृत्व माओवादी केन्द्रले नै पाउने भएको छ।
काठमाडाै, ३१ साउन । एकताको तयारीमा रहेको नेकपाका पूर्व घटकहरु एमाले र माओवादी केन्द्रले प्रदेश ५ मा एकताका लागि भागबण्डा टुङ्ग्याएका छन्। जस अनुसार पूर्व माओवादी केन्द्रको आधार क्षेत्र मानिने रोल्पा र रुकुम (पूर्वी भाग) को नेतृत्व माओवादी केन्द्रले नै पाउने भएको छ।
जस अनुसार १२ जिल्ला रहेको प्रदेश– ५ का ७ जिल्लाको नेतृत्व (अध्यक्ष) पूर्व एमालेको तर्फबाट हुनेछन् भने माओवादी केन्द्रले ५ जिल्लाको नेतृत्व पाउनेछ। एमालेले अध्यक्ष पाउने जिल्लाहरुमा रुपन्देही, कपिलबस्तु, पाल्पा, अर्घाखाँची, गुल्मी, प्यूठान र दाङ छन्।
माओवादी केन्द्रले रुकुम (पूर्वी भाग) रोल्पा, बाँके, बर्दिया र नबलपरासी (बर्दघाट सुस्ता पश्चिम) को भाग पाउने भएको छ। यसैगरी प्रदेश ५ को प्रदेश कमिटीको आकार र भागबण्डा पनि दुबै पक्षले टुङ्ग्याएका छन्।
जस अनुसार प्रदेश ५ मा नेकपाको प्रदेश कमिटी २ सय ३ सदस्यीय हुनेछ, जहाँ पूर्व एमालेबाट १ सय ६ र पूर्व माओवादी केन्द्रबाट ९७ जना हुनेछन्। प्रदेश अध्यक्षका लागि पूर्व एमालेबाट दलबहादुर राना र सचिवका लागि पूर्व माओवादी केन्द्रबाट गणेशमान पुनको नाम सिफारिस भएको छ।
प्रदेश स्तरमा पार्टी एकताका लागि गठन गरिएको कार्यदलले बिहीबार महासचिव बिष्णु पौडेललाई बुझाएको छ।
प्रतिक्रिया