प्रमोद खरेलले आफ्नो मुटु फिर्ता गर्न कसलाई भने ?

काठमाडौं, २३ माघ । चर्चित गायक प्रमोद खरेलले यसपालि आफ्नो मुटु फिर्ता मागेका छन् । उनले भनेका छन्, मेरो मुटु फिर्ता गर ।

यद्यपि खरेलले कसैले लगेको आफ्नो मुटु मागेका भने होइनन् । उनले आफ्नो पछिल्लो गीतमा मुटु फिर्ता मागेका हुन् । खरेलको स्वर रहेको “फिर्ता गर मुटु मेरो” सार्वजनिक भएको छ ।

कार्यक्रम प्रस्तोताका रुपमा परिचित अर्जुन राजको शब्द रहेको फिर्ता गर मुटु मेरो… लाई सन्तोष श्रेष्ठले संगीत भरेका छन् । यस गीतको म्यूजिक भिडियोलाई सवनम मुखियाले निर्देशन गरेकी छन् । पछिल्लो समय मुखिया म्यूजिक भिडियो निर्देशनमा व्यस्त रहँदै आएकी छन् । नेपालको पहिलो महिला छायाँकार समेत रहेकी मुखियाले चलचित्र निर्देशनसमेत गरेकी छन् ।

यस म्यूजिक भिडियोलाई रामशरण उप्रेतीले छायाँकन गरेका छन् भने तारा थापा किम्भेले सम्पादन गरेका छन् । श्याम कुँवरले कलर गरेको यस म्यूजिक भिडियोलाई ड्रिम वल्र्ड अफ फिल्म मेकर्सले पोष्ट प्रोडक्सन गरेको हो ।