प्राइमको १ः१.६ हकप्रद फागुन २७ गतेदेखि

काठमाडौं, फागुन १२ । प्राइम लाइफ इन्स्योरेन्स लिमिटेडले फागुन २७ गतेदेखि १ बराबर १ दशमलव ६ अनुपातमा हकप्रद सेयर निष्कासन तथा बिक्री खुला गर्ने भएको छ ।

कम्पनीले प्रतिकित्ता रू. १ सय अंकित मूल्यका ९७ लाख ६३ हजार २ सय कित्ता हकप्रद सेयर निष्कासन गर्न लागेको हो ।

हकप्रद निष्कासन बन्द हुने मिति २०७५ वैशाख २ गते रहेको छ । कम्पनीको धितोपत्र निष्कासन तथा बिक्री प्रबन्धक सिद्धार्थ क्यापिटल लिमिटेड रहेको छ ।

सेयरधनीहरूले सिद्धार्थ क्यापिटल, प्राइम लाइफ इन्स्योरेन्सका सम्पूर्ण शाखा कार्यालय र आस्बा सदस्य बैंक तथा वित्तीय संस्थाहरूको शाखा कार्यालयबाट आवेदन दिन सक्नेछन् । हाल कम्पनीको चुक्ता पुँजी ६९ करोड २ लाख रहेको छ ।

हकप्रद सेयर बाँडफाँडपछि कम्पनीको चुक्ता पुँजी रू. १ अर्ब ५८ करोड ६५ लाख २० हजार पुग्नेछ । हकप्रद सेयर निष्कासन प्रयोजनका लागि कम्पनीको सेयरधनी दर्ता पुस्तिका फागुन १७ गते बन्द गरिनेछ ।