प्रारम्भिक मत परिणाम: एमाले पहिलो, कांग्रेस दोस्रो, माओवादी तेस्रो (प्रदेश अनुसार रिपोर्ट)
सारांश
- काठमाडौँ, १५ असार ।
- स्थानीय तह दोस्रो चरणको प्रारम्भिक मत परिणामअनुसार नेकपा एमाले पहिलो स्थानमा देखिएको छ ।
- यसैगरी नेपाली काँग्रेस दोस्रो र माओवादी केन्द्र तेस्रो स्थानमा छ ।
काठमाडौँ, १५ असार । स्थानीय तह दोस्रो चरणको प्रारम्भिक मत परिणामअनुसार नेकपा एमाले पहिलो स्थानमा देखिएको छ । यसैगरी नेपाली काँग्रेस दोस्रो र माओवादी केन्द्र तेस्रो स्थानमा छ ।
दिउँसो ४ बजेसम्मको मत परिणामअनुसार नेकपा एमालेले ५१ स्थानीय तहमा अग्रता लिइरहेको छ । कांग्रेसले ४९ ठाउँमा अग्रता लिएको छ भने तेस्रो स्थानमा रहेको माओवादी केन्द्र २१ स्थानमा अगाडि देखिएको छ ।
संघीय समाजवादी फोरम र नयाँशक्ति ४, फोरम लोकतान्त्रिक ३ र राप्रपा १ ठाउँमा अगाडि देखिएका छन् ।
प्रदेश अनुसार हेर्ने हो भने, १ नम्बर प्रदेशमा एमाले २०, प्रदेश नम्बर ५ मा १६ र प्रदेश नम्बर ७ मा १५ स्थानीय तहमा अगाडि छ । यसैगरी, नेपाली काँग्रेस प्रदेश नम्बर १ मा १८, प्रदेश नम्बर ५ मा १७ र प्रदेश नम्बर ७ मा १४ स्थानमा अगाडि छ ।
माओवादी केन्द्र प्रदेश नम्बर १ मा ४, प्रदेश नम्बर ५ मा ९ र प्रदेश नम्बर ७ मा ८ स्थानीय तहमा अगाडि छ ।
निर्वाचन आयोगका अनुसार, विभिन्न जिल्लामा जारी मतगणनाको परिणाम धमाधम आइरहेको छ । बुधबार प्रदेश नम्बर १, ५ र ७ को निर्वाचन भएको थियो । अहिले १६८ स्थानीय तहको मतगणना भइरहेको छ ।
प्रतिक्रिया