बजारमा आयो यसपालि तीजमा तहल्का मच्चाउने यस्तो गीत (भिडियोसहित)

केशरमान बुढाथोकी

दाङ, ८ साउन । आजभोलि जोकोही मानिस पनि चर्चामा आउन मरिहत्ते गर्छन् । चाहे त्यो जुनसुकै क्षेत्रमा होस सानो काम गर्ने अनि चर्चा कमाउने सबैको चाहना हुन्छ ।

यो कुराको अपवाद बनेकी छन्, काभ्रेपलान्चोककी एलिना खनाल । प्रायजसो मिडियाको नजरमा पर्न नरुचाउने गायिका खनाल यतिबेला भने चर्चित गायिकाको सूचीमा पर्न सफल भएकी छन् । कारण उनले गाएको तीजको गीत “मुख चुच्चो पार माया” रहेको छ ।

योभन्दा पहिले पनि गायिका खनालले झण्डै २ दर्जन बढी लोक तथा तीज गीतहरु गाइसके पनि सफल गायिकाको रुपमा भने यसै गीतले चिनाएको छ । नयाँ आधुनिक युगका युवायुवतीहरुलाइ लक्षित गर्द समयसापेक्ष रुपमा बनाइएको यो गीत चर्चित हुनाको कारण शब्द, स्वर र संगीत सबैको तादात्म्यता हो भन्छिन् गायिका खनाल ।

राम्चे, ४ काभ्रेपलान्चोकको एक मध्यम वर्गीय परिवारमा जन्मिएर काभ्रेपलान्चोकमै शैशवकाल बिताएकी गायिका खनालले केही गीतहरुमा आफैले मोडलिङ समेत गरेकी छन् । गायिका खनालले गाएको पछिल्लो गीत “मुख चुच्चो पार मायाले” यसपालिको तीजमा धमाका मच्चाउने निश्चित छ । कारण तीज आउनुभन्दा अगाबै यो गीत आम दर्शकको रोजाई बनेको छ ।