बसको ठक्करले मृत्यु भएपछि पोखरामा तनाव
सारांश
- २४ कात्तिक, पोखरा ।
- बसको ठक्करबाट १ जनाको ज्यान गएपछि शुक्रबार बिहानैदेखि पोखरा अशान्त बनेको छ ।
- मृतकका आफन्त दोषीमाथि कारबाही र क्षतिपूतिको माग गर्दै सडकमा निस्किएपछि पोखरा अशान्त बनेको हो ।
२४ कात्तिक, पोखरा । बसको ठक्करबाट १ जनाको ज्यान गएपछि शुक्रबार बिहानैदेखि पोखरा अशान्त बनेको छ । मृतकका आफन्त दोषीमाथि कारबाही र क्षतिपूतिको माग गर्दै सडकमा निस्किएपछि पोखरा अशान्त बनेको हो ।
बिहीबार बगरबाट लाममाचौर जाँदै गरेको ग १ ख ६४५४ नम्बरको स्कुटरलाई ठक्कर दिँदा पोखरा–१९ का ४७ वर्षीय राम भण्डारीको ज्यान गएको थियो । पोखरा नगर बस सञ्चालक समितिको बसले ठक्कर दिएर भण्डारीको ज्यान गएपछि मृतका आफन्तले लामाचौर क्षेत्रमा पोखरा नगर बस चल्न दिएका छैनन् ।
मृतकका आफन्तले उक्त बसलाई तत्काल कारवाही गर्न र मृतकका आफन्तलाई क्षतिपूर्ति दिन माग गरेका छन् ।
बगरबाट लामाचौरतिर एउटै दिशामा गइरहेको र आफ्नै साइडबाट गइरहेको इलेक्ट्रिक स्कुटरलाई पछाडिबाट ठक्कर दिएकाले चालकको गम्भीर लापरवाही भएको आफन्तले बताएका छन् ।
‘मृतकका आफन्तले क्षतिपूर्ति र चालकलाई कारबाहीको माग गर्दै लामाचौर चोकमा प्रदर्शन गरिरहनुभएको छ,’ कास्की प्रहरी प्रवक्ता तथा डिएसपी खड्क खत्रीले भने, ‘हामीले दुवै पक्षलाई राखेर सहमति खोज्ने प्रयास गर्दैछौं ।’
ठक्कर दिने बस र चालकलाई प्रहरीले नियन्त्रणमा लिएर अनुसन्धान गरिरहेको खत्रीले जानकारी दिए ।
प्रतिक्रिया