बिभिन्न ठाउँमा ५ जनाको मृत्‍यु

काठमाडौं, ३० असार,
मोरङ्ग ः सुनबर्सी नगरपालिका–२ अमरदह बजारस्थित पथरी डाईनिया सडक किनारामा बिराटनगर महानगरपालिका–४ बस्ने ५५ वर्षीय विविवन मल्लिक बिहिबार मृत फेला परेका छन् ।
यसैगरी मोरङ्ग बिराटनगर महानगरपालिका–१८ स्थित क्षेत्रिय बिद्युत प्राधिकरण नजिकै हाल नाम, थर, वतन नखुलेका तराईबासी जस्तो देखिने करीब ४५ वर्षीय पुरुष व्यक्ति बिहिबार मृत फेला परेका छन् ।

साथै मोरङ्ग सुन्दरहरैचा नगरपालिका–३ आईतबारे बस्ने २६ वर्षीया माया बि.क.शंकास्पद रुपमा आफ्नै घर भित्र शुक्रबार मृत फेला परेकी छिन् । अनुसन्धानको लागि प्रहरीले मृतकको श्रीमान श्रीहाङ राईलाई नियन्त्रणमा लिएको छ ।

त्यसैगरी  काठमाडौं महानगरपालिका–३१ शंखमुल दोभान पुल स्थित सडकमा शुक्रबार पार्किङ गरी राखेको बा.१५ च ९९९० नम्बरको कारको चालक सिटमा बसिरहेको अवस्थामा काठमाडौं महानगरपालिका–३१ शंखमुल घर भएका ४२ वर्षीय पुण्यराज पाण्डे मृत फेला परेका छन् ।

दाङ ः गढवा गाँउपालिका–२ जुरेनी भन्ने स्थानमा ४० वर्षीया गिता कुमाल बिहिबार मृत फेला परेकी छिन् । मृतककी देवरानी २१ वर्षीया मनि कुमाल बिच बिहान घरायसी बिषयमा विवाद भएको भन्ने बुझिन आएकोले मनिलाई नियन्त्रणमा लिई यस सम्बन्धमा प्रहरीले थप अनुसन्धान गरिरहेको छ ।