बिमस्टेक परराष्ट्र मन्त्रीस्तरिय बैठक : ग्रीड इन्टरकनेक्सन संगै अपराध, मानव तस्करीमा शुन्य सहनशिलता अपनाउने
सारांश
- काठमाडौ ।
- भोली विहिवार हुने विमस्टेक सम्मेलनमा विद्युत लाइन प्रसारणको अन्तरदेशीय मार्ग (बिमस्टेक ग्रीड इन्टरकनेक्सन) सहमति पत्र हस्ताक्षरका लागि (बिमस्टेक) सम्मेलनमा प्रस्तुुत गरिने भएको छ ।
- आज बुधवार बसेको बिमस्टेकको मन्त्रीस्तरीय बैठकले सहमतिपत्र हस्ताक्षरका लागि सम्मेलनमा प्रस्तुत गर्ने निर्णय गरेको हो ।
काठमाडौ । भोली विहिवार हुने विमस्टेक सम्मेलनमा विद्युत लाइन प्रसारणको अन्तरदेशीय मार्ग (बिमस्टेक ग्रीड इन्टरकनेक्सन) सहमति पत्र हस्ताक्षरका लागि (बिमस्टेक) सम्मेलनमा प्रस्तुुत गरिने भएको छ । आज बुधवार बसेको बिमस्टेकको मन्त्रीस्तरीय बैठकले सहमतिपत्र हस्ताक्षरका लागि सम्मेलनमा प्रस्तुत गर्ने निर्णय गरेको हो ।
आजको बैठकले बिमस्टेक सदस्य राष्ट्रबीच अन्तर्राष्ट्रिय अपराध र मानव तस्करीको विषयमा शून्य सहनशीलता अपनाउने विषयमा हस्ताक्षर गर्ने निर्णय पनि गरको छ ।यसअघि मंगलबारबसेको १९ औं सचिव स्तरीय बैठकले प्रसारण लाइन सम्बन्धी सहमतिपत्रलाई हस्ताक्षरका लागि सिफारिस गर्ने निर्णय गरेको थियो ।
१६ मन्त्रीस्तरीय बैठकमा बिमस्टेकका महासचिव साहिदुल इस्लामले बिमस्टेकको प्रगती प्रतिवेदन प्रस्तुत गरेका थिए । परराष्ट्र मन्त्री प्रदिप ज्ञवालीले श्रीलंकाका विदेश राज्यमन्त्री बसन्ता सेनानायकेलाई मन्त्रीस्तरीय बैठकको अध्यक्षता हस्तान्तरण गरेका थिए । पाँचौ शिखर सम्मेलन श्रीलंकाले आयोजना गर्नेछ ।
बैठकमा परराष्ट्र मन्त्री ज्ञवाली, भारतका बाह्य मामिला राज्यमन्त्री विजयकुमार सिंह, बंगलादेशका विदेशमन्त्री अबुल हसन मोहमद अलि, म्यानमारका अन्तर्राष्ट्रिय सहयोगसम्बन्धी संघीय मन्त्री क्याब तीन, श्रीलंकाका विदेश राज्यमन्त्री बसन्ता सेनानायके, भुटानका विदेश सचिव सोनामा छोङ र थाइल्याण्डका विदेशमन्त्री दोन प्रमुदविनय सभहागी थिए ।
बैठकले क्षेत्रीय संगठनका राष्ट्रबीच अपराध नियन्त्रणमा शून्य सहनशीलता अपनाउने विषयमा छलफल र सम्झौता गर्ने तयारी गरेको हो । मन्त्रिस्तरीयको बैठकमा १६ वटा म्ुख्य एजेन्डाको विषयमा समेछ छलफल भएको थियो । साथै, यसअघि विभिन्न राष्ट्रमा भएका जलवायु परिवर्तन, उर्जा क्षेत्र, यातायात पूर्वाधारको विषयलाई थप प्रभावकारी रुपमा बढाउने विषयमा समेत छलफल भएको थियो ।
प्रतिक्रिया