बोत्सवानामा सयौँ हात्तीहरु मृत अवस्थामा भेटिए

एजेन्सी, १९ असार । विगत दूई महिना देखि बोत्सवानामा सयौँको संख्यामा हात्तीहरु मृत अवस्थामा फेला परिरहेका छन् । मे महिनाको सुरुवात देखि उक्त क्षेत्रमा करिब तीन सय ५० हातीहरु मृत भेटिएको उच्च अधिकारीहरुले जनाएका छन् ।

हात्ती त्यस क्षेत्रमा अचानक मरिरहेको कारण भने अझ अन्योल रहेको जनाइएको छ । सरकारले परिक्षण गर्दा समेत केही नभेटिएको पुष्टि समेत भएको छ । हात्तीको एक तिहाई जनसंख्याको क्षेत्र बोत्सवानालाई मानिने गर्दछ । अमेरिकाको सहयोगमा रहेको नेश्नल पार्कमा अमेरिकी सरकारले समेत निगरानी तीव्र गरेको छ । हात्तीको मृत्यु संख्यामा वृद्वि हुनुले थूप्रै आशंकाहरु पैदा गरको छ । तर, यसलाई खडेरीसंग दाज्न नमिल्ने विषयमा अधिकारीहरुको जोड थियो । उक्त घटनाहरु शिकारमार्फत नभएको विषयलाई बोत्सवाना सरकारले स्पष्ट पारेको छ ।सो क्षेत्रमा हात्तीबाहेक अन्य जनावर नमरेको समेत जनाइएको छ । शिकार गर्न प्रयोग गरिएको साइनाडले हात्ती समेत अन्य जनावरलाई समेत हानी हुनु पर्ने तर, नभएको अधिकारीहरुको जोड थियो । हात्तीहरु स्वतह विना कुनै कारण ढलिरहेका छन् । मारिरहेको हात्तीलाई अन्य हात्तीले घेरा बनाई सहयोग पुर्याउन मद्दत गर्ने खोज्दछ ।

हात्तीहरुको मस्तिष्क प्रणालीमा केही खराबी देखिएको समेत अधिकारीहरुले बताएका छन् । तर, उक्त विषय भने पुष्टि भएको छैन् । उक्त क्षेत्रको माटो वा पानीको कारण रहेको छ भने यसले मानिसमा कुनै प्रकारको हानी नपुर्याउन जनाइएको छ । कारोना जस्तै महामारी जनावरमा समेत देखिएको निकै डरलाग्दो रहेको जनाइएको छ ।