भर्सटाइल गायिका वर्षा कर्माचार्यको ‘आकाशको तारा’ सार्वजनिक (भिडियोसहित )

काठमाडौं । भर्सटाइल गायिका वर्षा कर्माचार्यले केही दिनअघि मात्रै आफ्नै यू–ट्युव च्यानलमार्फत ‘आकाशको तारा’ बोलको गीतको म्यूजिक भिडियो सार्वजनिक गरेकी छन् । पछिल्लो समय चलचित्र क्षेत्रमा निकै व्यस्त संगीतकार हरकुलिश बस्नेतको शब्द तथा संगीत समावेश रहेको गीतको एरेञ्ज पनि हरकुलिशले नै गरेका छन् ।

धिरज अधिकारीको निर्देशन तथा सम्पादनमा बनेको म्यूजिक भिडियोमा स्वयम् गायिका वर्षासँगै शिव गुरुङले फिचरिङ गरेका छन् । म्यूजिक भिडियोमा मेकअप र कोरियोग्राफी पनि गायिका वर्षाले नै गरेकी छन् । प्रकाश राईको सिनेमाटोग्राफी रहेको म्यूजिक भिडियोमा गायिका वर्षाको गायनसँगै अभिनय पनि उत्कृष्ट छ ।

२ वर्षअघि नेपाली गीत–संगीतलाई नियाल्दा युवा पुस्ताले रुचाएको एक गीत थियो ‘विस्तारै विस्तारै’ । यो गीतको सफलतासँगै वर्षा कर्माचार्यको नामको अगाडि थपिएको उप–नाम थियो, सफलगायिका वर्षा कर्माचार्य । उनै गायिका कर्माचार्यले नयाँ गीतसहित म्युजिक भिडियो ‘आकाशको तारा’ सार्वजनिक गरेकी हुन् ।

हाल अमेरिकामा रहेकी गायिका वर्षाले पहिलो गीत जस्तै यो गीतलाई पनि दर्शकले मन पराउने आशा गरेकी छन् । ‘म सधैं आफ्नो गीतमा दर्शकलाई केही फरकपन दिन खोज्छु । यो गीतमा पनि दर्शकलाई नयाँपन दिन खोजेकी छु,’ वर्षाले भनिन् ‘विदेशमा बसेर पनि नेपाल र नेपाली गीत÷संगीतिक क्षेत्रलाई विश्वमा परिचित गराउने सोच बनाएकी छु ।’
लिंक यसप्रकार छ ।