भारतबाट छपाएर ल्याउंँदै गरेको नक्कली स्टिकरसहित पक्राउ

बुटवल । भारतमा छपाएर ल्याउंँदै गरेको नक्कली स्टिकर पक्राउ गरेको छ । सुनौली नाका हुंदै भारतीय नं.प्लेटका गाडीमा भित्रिएका चारलाख नक्कली स्टिकर रुपन्देहीको रोहिणी गाउँपालिका वार्ड नं.४ मा रुपन्देही प्रहरीले फेला पारी प्रहरीद्वारा नियन्त्रणमा लिएका हुन् ।

नक्कली स्टिकरसहित गाडी र गाडीका चालकसहित तीन जनालाई नियन्त्रणमा लिइएको प्रहरीले जानकारी दिए । आन्तरिक राजश्व बिभागका ती स्टिकरहरु यूपी ४३ एई १६८२ नं को गाडीमा ल्याइएको हो । रुपन्देहीमा पक्राउ परेका व्यक्तिले दिएको सूचनाका आधारमा प्रहरीले धनुषा जिल्लामा रहेको साङगि्रला डिस्टिलरीका प्रबन्धक भवानीप्रसाद उप्रेती र उत्पादन अधिकृत कामेश्वर महतोलाई समेत पक्राउ गरेर सार्वजनिक गरेको छ ।

३४ रोल भएको ४ कार्टुन स्टिकरमा ५० यूपी,११८०एमएल आन्तरिक राजस्व बिभाग लिक्वर उल्लेख छ । प्रहरीले स्टिकर बोक्न प्रयोग भएको कारमा सवार सिद्धार्थनगर नगरपालिका वार्ड नं.१ बस्ने वर्षे ४२ को बिनोद सिंह,भारत महाराजगंज सुनौली बस्ने वर्ष १८ को समसुद्दिन मुसलमान र भारत नौतनवा बस्ने वर्षे ३२ को मेल्मुद्दगद्दी मुसलमानलाई समेत पक्राउ गरी सार्वजनिक गरेका छन् ।