मलेसियामा दिलबहादुर बचाउ आर्थिक संकलन अभियानको समापन, जम्मा साढे ६ लाख सहयोग

Shikharkhabar Shikharkhabar
|
आइतबार, श्रावण १३, २०७५
|
|
२६ पटक हेरिएको
Shares
मलेसियामा दिलबहादुर बचाउ आर्थिक संकलन अभियानको समापन, जम्मा साढे ६ लाख सहयोग

सारांश

  • उमेश बञ्जाडे मलेशिया, १३ साउन ।
  • इच्छा र चाहनाको भेलबाढीसहित सहयोगी मनहरु जुटेमा जस्तोसुकै अक्करहरु पनि सहजै पार लाग्छन् ।
  • समय र परिस्थितिलाई दोष थुपार्ने बतास चलेको यो बखत मलेसियामा पसिना बगाइरहेका नेपाली युवाहरुले धन हुने तर मन नहुनेहरुलाई व्यबहारबाटै चुनौती दिएका छन् ।

उमेश बञ्जाडे

मलेशिया, १३ साउन । इच्छा र चाहनाको भेलबाढीसहित सहयोगी मनहरु जुटेमा जस्तोसुकै अक्करहरु पनि सहजै पार लाग्छन् । समय र परिस्थितिलाई दोष थुपार्ने बतास चलेको यो बखत मलेसियामा पसिना बगाइरहेका नेपाली युवाहरुले धन हुने तर मन नहुनेहरुलाई व्यबहारबाटै चुनौती दिएका छन् ।

दिनभर साहुको मजदुरीमा हत्केला घोटेर जोहो गरेको रकमबाट केही भाग छुट्याएर दुःखमा परेका एक नेपाली युवाको जीवन रक्षाका लागि सहयोग गरेका छन् । यिनै श्रमिकहरुको सक्दो सहयोगमा लक्ष्यनजिक पुगेको “दिलबहादुर घर्ती बचाउ आर्थिक संकलन अभियान मलेसिया” ले आफ्नो अभियानको विधिवत अन्त्य गरेको छ । आइतबार मलेसियाको राजधानी क्वालालम्पुरमा एक कार्यक्रमका बीच अभियान समापन गरिएको हो ।

ब्लडमनि तिर्न नसक्दा साउदीमा जेलजीवन बिताइरहेका रोल्पाका दिलबहादुर घर्तीलाई बचाउने उद्देश्यले अभियानको थालनी गरिएको थियो । नेपालका विभिन्न ठाउँबाट रोजगारीको लागि मलेसिया आएका श्रमिकहरुको प्रयत्नमा हालसम्म साढे ६ लाख बढी नेपाली रकम पीडितका श्रीमती मनिका घर्तिको खातामा पठाइएको अभियानका सदस्य रुपधन घर्ती “सुकुमार”ले जानकारी दिए ।

दिलबहादुर घर्तीलाई साउदी अरबको अदालतले सवारी दुर्घटनाका कारण स्थानीय नागरिकको ज्यान गएको अभियोगमा मृत्युदण्डको सजाय सुनाएको थियो । नेपाली जनप्रगतिशील मञ्च मलेसियाका अध्यक्ष प्रेम पाण्डेको रोहबरमा अभियानको समापन गर्दै अन्तिम किस्तास्वरुप नेपाली १ लाख २६ हजार ७ सय ६४ रुपैयाँ पीडित दिलबहादुरकी श्रीमती मनिका बुढा मगरको नाममा पठाइएको हो । पहिलो र अन्तिम किस्ता गरेर जम्मा ६ लाख ७५ हजार ९ सय ६३ रुपैयाँ पीडितका श्रीमती मनिकालाई हस्तान्तरण गरिएको मलेसियास्थित मूल समितिका सदस्य अर्जुन घर्ती मगरले जानकारी दिए ।

अभियानमा हरेक हिसाबले हातेमालो गर्नुहुने सहयोगी हात र अभियानलाई सहयोग पुगोस् भन्ने हेतुले रकम सम्प्रेषण गरेबापत लाग्ने शुल्क नलिई निःशुल्क रकम पठाउन सहयोग गर्ने मलेसियास्थित आईएमईलाई दिलबहादुर घर्ती बचाउ अभियान मलेसियाले कृतज्ञता व्यक्त गरेको छ । साथै समापनसम्म आउँदा अभियानलाई सहयोग पुराउने सहयोगीहरुको विवरण यसरी उल्लेख गरिएको छ ।

प्रतिक्रिया

1 कमेन्ट

    Comment Author

    Umesh Banjade

    हार्दिक धन्यवाद शिखर न्युज परिवार !

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 1
यो खबर पढेर तपाईंलाई कस्तो महसुस भयो ?

तपाईंले छुटाउनुभयो कि?