मलेसियामा नेपाली कामदार धमाधम पक्राउ

काठमाडौं, २२ असार । रोजगारको लागि मलेसिया पुगी दर्ता नगरी गैरकानुनी रुपमा काम गर्ने कामदारलाई धमाधम पक्राउ गर्न थालेको छ । मलेसिया सरकारले गैरकानुनी रुपमा आफ्नो देशमा काम गरिरहेका नेपालीलगायत विदेशी कामदारलाई पक्राउ गर्न थालेको हो ।

मलेसियामा रहेका २ सय गैरकानुनी रुपमा काम गरिरहेका नेपालीलाई पक्राउ गरिसकेको छ । नेपाली दुताबासका अनुसार अझैपनि पक्राउ गर्ने काम चलिरहेको छ । मलेसियाले ‘ओपी मेगा तीन’ नाम दिइएको विदेशी नागरिक पक्राउ अभियान चलाइरहेको छ ।

श्रमको लागि लिइएको मिति सकिएको, आफ्नो देश फर्कन दिइएको समयमा पनि नफर्कनेलाई पक्राउ गरिएको हो । गैरकानुनी रुपमा मलेसिया बसेका नेपाली सहित ६ हजार जनालाई मलेसियाको अध्यागमन कार्यालयले पक्राउ गरेको हो ।

मलेसियाको सरकारले ६ हजार ६ सय ७८ जना विदेशी पक्राउ गरिसकेको त्यसमध्ये पक्राउ २ सय जना नेपाली रहेको मलेसियास्थित नेपाली दूतावासले जनाएको छ ।