मिस एन्जल्स पोखरामा १५ युवती छानिए
सारांश
- पोखरा, १० पुस ।
- ड्रिम्स फेशन हाउस पोखराको प्रस्तुतिमा हुन लागेको प्रथम मिस एञ्जल पोखरा लागि १५ जना छनौट गरिएको छ ।
- युवतीको बौद्विक सुन्दरता, नेतृत्व विकास र सामाजिक उत्तरदायित्व भन्ने आदर्शलाई आत्मसाथ गर्दै विभिन्न संघसंस्थाको आयोजनामा भएको मिस एन्जल पोखरामा २३ जनाको सहगागिता रहेको थियो ।
पोखरा, १० पुस । ड्रिम्स फेशन हाउस पोखराको प्रस्तुतिमा हुन लागेको प्रथम मिस एञ्जल पोखरा लागि १५ जना छनौट गरिएको छ । युवतीको बौद्विक सुन्दरता, नेतृत्व विकास र सामाजिक उत्तरदायित्व भन्ने आदर्शलाई आत्मसाथ गर्दै विभिन्न संघसंस्थाको आयोजनामा भएको मिस एन्जल पोखरामा २३ जनाको सहगागिता रहेको थियो । पहिलो र दोस्रो चरण गरेर आईतबार १५ जना छनौट भएका हुन् ।
छनौटहरुमा पवित्रा थापा, निरु थापा मगर, सजना तिवारी, अल्पिना गुरुङ, मिना नेपाली, विनिसा ढकाल, रुवीया जोशी, प्रकृती श्रेष्ठ रहेका छन् । त्यस्तैगरी कृति श्रेष्ठ, तुलसी महोत्त, सविना क्षेत्री, विनाता गोदार, सिर्जना पौडेल र सुस्मीता तिवारी पनि मिस एन्जलको लागि छनौट भएको जुरी टिम संयोजक, कवि तथा लेखक प्रकाश अधिकारलिे जानकारी दिए ।
जुरी टिममा मिस नेपाल २०१७ फिनालिस्ट ज्ञानी बराल, गुरुङ फिल्मका नायक तथा निर्देशक गोमन घल, रुल नेपाल स्टुडियोका चियर पर्शन शोलोमन रोका तथा कोरियोग्राफर ओशिन राई रहेका थिए ।
युवतीको बौद्धिक सुन्दरता, नेतृत्व विकास र सामाजिक उत्तरदायित्व भन्ने आदर्शलाई आत्मसाथ गर्दै विभिन्न संघसंस्थाको आयोजनामा प्रतियोगीता गरिएको इभेन्ट संयोजक सपना तिवारीले जानकारी दिईन् । छनौट भएकालाई पुस १२ गतेदेखि एक महिने विशेष तालिम दिईने तिवारीले बताईन् ।
मिस एन्जल पोखरा २०७४ का अध्यक्ष देवेन्द्र यसकेले प्रतियोगिताले युुवतीको लुकेको—दवेको आवाज र अन्तरनिहित प्रतिभालाई प्रोत्साहन गर्न जोड दिने बताए । उनले मिस एन्जल पोखराको विजेताले मिस नेपालमा सहभागी हुन पाउने बताए । मिस एञ्जल्स पोखराको ग्राण्ड फिनाली आगामी माघ २० गते पोखरा सभागृहमा हुने भने विजेताले नगद ५० हजारको साथमा क्राउन र विभिन्न पुरस्कार तथा अवसरहरु प्राप्त गर्नेछन् ।
त्यसैगरी उपविजेता र विद्यागत विजेताहरुले नगदसहित क्राउन, विभिन्न पुरस्कार र अवसरहरु पाउने जनाईएको छ । ईभेन्टबाट मुनाफा भएको ५० प्रतिशत रकम सडकबालबालिकाको लागि खर्च गरिने गोबिन्द तिवारीले जानकारी दिए ।
प्रतिक्रिया