वेस्ट इन्डिज ‘ए’ सँग नेपाल १० रनले पराजित
सारांश
- काठमाडौं।
- वेस्ट इन्डिज ‘ए’ ले नेपाललाई पराजित गरेको छ।
- सिरिजको दोस्रो खेलमा वेस्ट इन्डिज ‘ए’ ले नेपाललाई १० रनले पराजित गरेको हो।
काठमाडौं। वेस्ट इन्डिज ‘ए’ ले नेपाललाई पराजित गरेको छ। सिरिजको दोस्रो खेलमा वेस्ट इन्डिज ‘ए’ ले नेपाललाई १० रनले पराजित गरेको हो।
वेस्ट इन्डिज ‘ए’ ले दिएको १६१ रनको लक्ष्य पछाएको नेपालले २० ओभरमा ९ विकेट गुमाउँदै १५० रन बनाएको थियो।
नेपालका लागि कप्तान रोहित पौडेलले अविजित रहँदै ७१ रन बनाए पनि अन्य ब्याट्सम्यानले साथ नदिँदा नेपालले हार व्यहोरेको थियो।
यसअघि टस जितेर पहिला ब्याटिंङ गरेको वेस्ट इन्डिज ए ले २० ओभरमा ७ विकेट गुमाउँदै १६० रन बनाएको थियो।
वेस्ट इन्डिज ए का लागि आन्द्रे फ्लेचरले सर्बाधिक ४३ रन बनाएका थिए। त्यस्तै कप्तान रोस्टन चेजले २३ रन बनाए भने गुडाकेस मोतीले अविजित ३३ तथा जोन्सन चार्लेजले ११ रन बनाएका थिए।
त्यसैगरी नेपालका बलर सागर ढकाल र कुशल भुर्तेलले २-२ विकेट लिएका थिए भने सोमपाल कामी र दिपेन्द्र सिंह ऐरीले एक एक विकेट लिएका थिए ।
वेस्ट इन्डिज ‘ए’ को यो जित पछि ५ खेलको सिरिज १-१ ले बराबरी भएको छ। अब सिरिजको तेस्रो खेल खेल मे १ मा चौथो खेल मे २ मा र पाचौं खेल मे ४ मा हुने छ ।
प्रतिक्रिया