योगेश भट्टराईलाई प्रश्न : आमाको सपना पूरा भयो, देशको कसरी हुन्छ ?

काठमाडौं, पुस २० । निर्वाचनको दौरानमा एमाले युवा नेता तथा सचिव योगेश भट्टराईकी आमाले ‘यसपटक सबैलाई कान्छालाई जिताऔं’ भनेकी थिइन् ।

‘जित्नै पर्ने हो । सबैलाई कान्छालाई यसपटक जिताऔं है भनेको छु । योभन्दा बढी म बूढीले अरु के गर्न सक्छु र,’ ९३ वर्षीया आमा महेन्द्रादेवी भट्टराईले भनेकी थिइन् ।

आमाले भनेको कुरा योगेशको जीवनमा लागू भएको छ । आमाको सपना पूरा भएको छ । अब देशको सपना कसरी पूरा गर्छन् यो आम जनचासोको विषय हो ।

कान्तिपुर टेलिभिजनमा दिलभुषण पाठकसँग टफ टकमा दिएको अन्तर्वार्तामा ‘आमाको अभिव्यक्तिले गर्दा होला सायद धेरै मतदाताहरुको दिल छोएछ’ योगेशले भने ।

अन्तर्वार्तामा दिलभुषणले आमाको सपना पूरा भयो, देशको कसरी हुन्छ ? भनेर योगेशलाई प्रश्न गरेका थिए । उत्तरमा योगेशले आमाको अभिव्यक्ति भावनाताम्क रहेको,अबको बाँकी जीवन देश विकासमा लाग्ने बताए ।

‘बुबाको निधनपछि छोराछोरी हुर्काउने जिम्मा आमाको काँधमा पर्यो, धेरै दुख पाउनुभयो,’ योगेशले भने, ‘आमाले म यो ठाउँमा पुगेको देख्न पाउनुभयो त्यो नै खुसीको कुरा हो । मेरो आमा जस्तै थुप्रै नेपाली आमाहरुले हामीबाट केही अपेक्षा गरेका छन् त्यो अपेक्षा गर्ने दायित्व म जस्तै धेरै प्रतिनिधित्वहरुको काँधमा आएको छ ।’

२०२३ सालमा जन्मिएका योगेश २ वर्षको हुँदा नै उनको बुबाको मृत्यु भयो । २०२५ सालमा ।

देशको सपनाबारे योगेशले पछिल्लो दशकमा अत्यन्तै महत्वपूर्ण कामहरु भएको बताए । माओवादी सशस्त्रको सघर्षंले हतियारबाट सत्ता लिएको, व्यवस्थापिका संसदबाट शान्तिपूर्ण ढंगले जनप्रतिनिधिको हस्ताक्षरबाट राजा बर्खास्त र दुई वटा ठूला कम्युनिष्ट पार्टीलाई एक ठाउँमा बनाउने जस्ता कुरा महत्वपूर्ण रहेको उनले बताए ।

केपी ओली र प्रचण्डले पार्टी एकता गरेको दिन नै सन्यास लिँदा उपयुक्त हुन्छ भनेका योगेशले अन्तर्वार्तामा बुढा भयो भनेर त्यसै लगेर फालिदैँन्, अन्तिमसम्म भएपनि स्यहारसुसार गर्ने कर्तव्य रहने बताए ।

उनले अब बन्ने बाम गठबनधनको सरकारले देशको विकासमा फड्को मार्ने समेत बताए । उनले विकासको काम कसैले नसोचेको गतिमा हुने विश्वास व्यक्त गरे ।