यो १३-बुँदे ज्ञापनपत्रको हालत् ४०बुँदे जस्तो नहोस् है प्रमज्यू!: भट्टराई

पूर्वप्रधानमन्त्री एंव नयाँ शक्ति पार्टीका संयोजक बाबुराम भट्टराईले बुढीगण्डकी जलविद्युत आयोजनाबारे प्रधानमन्त्री शेरबहादुर देउवालाई १३ बुँदे ज्ञापनपत्र बुझाउँदै समाजिक सञ्जालमा लेखेका छन्- यो १३-बुँदे ज्ञापनपत्रको हालत् २२ बर्ष पहिले तपाईंलाई नै बुझाएको ४०-बुँदे ज्ञापनपत्रको जस्तो नहोस् है प्रमज्यू !

बुधबार प्रधानमन्त्री कार्यालय सिंहदरबार पुगेर भट्टराईले बुढीगण्डकी आयोजना निर्माणको जिम्मा चिनियाँ कम्पनी गेजुवालाई दिन सरकारको निर्णय खारेज गर्नुपर्ने मागसहितको ज्ञापनपत्र बुझाएका हुन्।

यसअघि तत्कालिन संयुक्त जनमोर्चाका तर्फबाट डा. बाबुराम भट्टराईले नै तत्कालिन प्रधानमन्त्री शेरबहादुर देउवालाई बुझाएको ४० बुँदे मागपत्र शेरबहादुर देउवाको स्मरणमा गराउँदै उनले देउवालाई झस्काएका हुन्।

त्यतिबेला देउवाले सो मागहरु पूरा गर्न असमर्थता जनाएपछि मुलुकले १० वर्षको द्वन्द भोगेको थियो ।