राजनीतिक शेयर बजारमा बाबुराम भट्टराईको मूल्यवृद्धि !
सारांश
- काठमाडौं, २६ वैशाख ।
- पिता भोजप्रसाद भट्टराईलाई भारतको विभिन्न धार्मिकस्थलहरूको तीर्थयात्रा गराएर भर्खरै नेपाल फर्किएका नयाँ शक्ति अध्यक्ष एवं पूर्व प्रधानमन्त्री डा बाबुराम भट्टराईको राजनीतिक शेयर बजारमा अचानक मूल्यवृद्धि भएको छ ।
- भारतसँग जनयुद्धकालदेखि नै सुमधुर सम्बन्ध कायम राखेका डाभट्टराईले तीर्थ यात्राकै क्रममा नरेन्द्र मोदी सरकार निकट ‘हाइप्रोफाइल सूत्रहरूसँग गोप्य छलफल गरेपछि नेपालमा बाबुरामको महत्व बढेको दावी समाचार स्रोतको रहेको साँघु साप्ताहिकमा खवर छ ।
काठमाडौं, २६ वैशाख । पिता भोजप्रसाद भट्टराईलाई भारतको विभिन्न धार्मिकस्थलहरूको तीर्थयात्रा गराएर भर्खरै नेपाल फर्किएका नयाँ शक्ति अध्यक्ष एवं पूर्व प्रधानमन्त्री डा बाबुराम भट्टराईको राजनीतिक शेयर बजारमा अचानक मूल्यवृद्धि भएको छ ।
भारतसँग जनयुद्धकालदेखि नै सुमधुर सम्बन्ध कायम राखेका डाभट्टराईले तीर्थ यात्राकै क्रममा नरेन्द्र मोदी सरकार निकट ‘हाइप्रोफाइल सूत्रहरूसँग गोप्य छलफल गरेपछि नेपालमा बाबुरामको महत्व बढेको दावी समाचार स्रोतको रहेको साँघु साप्ताहिकमा खवर छ । बाबुरामको गतिविधिलाई नजिकबाट निहालेका माओवादी केन्द्रका अध्यक्ष प्रचण्डले बाबुराम फर्के लगत्तै भेटेर एकताको प्रस्ताव राखेको बताइन्छ ।
डा।बाबुराम निकट नयाँ शक्तिका एक नेताको दाबी अनुसार, बाबुरामलाई ‘सेकेण्ड म्यान’ बनाएर नयाँ शक्ति र माओवादी केन्द्र एकीकरण गर्न प्रचण्ड आतुर रहेको समाचार स्रोतले बताएको छ । यद्यपि सानो कसौडीमा पाकेको मीठो खाना खान पल्किएका नेताहरूले माओवादी वा एमालेसँग एकता नगर्न बाबुरामलाई ठूलो दबाब दिएको बताइन्छ । तर, बाबुरामको चाहना भने उपेन्द्र यादव नेतृत्वको संघीय समाजवादी फोरम वा माओवादी केन्द्रमा विलय हुने रहेको बताइन्छ ।
प्रचण्डलाई भेटेर एकताका लागि साहुती गरेका डा बाबुरामले एमाले अध्यक्ष केपी ओलीसँग पनि यसबीचमा भेटघाट र फोनमा विशेष छलफल गर्न भ्याइसकेको थाहा भएको छ । साँघुलाई प्राप्त सूचना अनुसार, बृहत् वामपन्थी एकतामा पुनः सामेल हुनेबारे ओली र बाबुरामबीच गहन छलफल भएको छ ।
बाबुराम निकटस्थ सूत्रका अनुसार, ओली र प्रचण्ड पछिको सम्मानजनक पद र भूमिका पाएमा एमाले माओवादी एकीकरणमा आफूहरू पनि सामेल हुने मनस्थिति डा।बाबुरामले बनाएका छन् । त्यसमाथि सत्ता बाहिर बस्दा पानी बिनाको माछाजस्तै छटपटाइरहेकी बाबुराम पत्नी हिसिला यमीले वाम एकतामा सामेल हुन डा।बाबुरामलाई चर्को दबाब दिएको चर्चा पनि छ ।
हिसिलाले एमाले सूत्रसँग एकीकरणको एजेण्डा बोकेर निरन्तर संवाद चलाइरहेको चर्चा पनि चलेको छ । उता, ओलीले सरकारमा सम्मानजनक हिस्सा र मन्त्रालय नदिएको भन्दै मुर्मरिएका उपेन्द्र यादव र प्रचण्डको दोस्ती पछिल्लो समय ‘खुल्लम खुल्ला प्यार करेंगे’ शैलीमा झ्याङगिएपछि प्रचण्डले उपेन्द्रलाई पनि वामपन्थी मोर्चामा तान्नुपर्ने चतुर कार्ड फ्याँकेको बताइन्छ ।
प्रतिक्रिया
Parmod Safal
Dr..Baburam.Foreiner ko doot nabannuhos
Parmod Safal
DrBaburam.Ab Nepalese ko.Lagee.Kam..Garnu pardaina Ra .Kati india.ko Lagi..Kam Garnu hunchha
Hari Kumar Shrestha
dirgha rogi deshko aandra bhundima kaha nira opreshan jaruri chha thammyai rakha
Shiva Sharma
हुनै पर्छ!
Durga Adhikari
No increase Dr. Bhattarai baru Politics ma failed vaisake aba.
Prem Pd Dhakal
Yo desma tapai ko khancho
Rajan Pratap Singh Basnyat
Agent of raa
Gopi Kumar Adhikari
Dr sab ko dimag ko kheti
Rudra Ghimire
Yo indian ajncy ho