राज्यबाट सुविधा लिने नलिने भन्ने कुरा अब मन्त्रीकै हातमा

काठमाडौं । मन्त्रीहरुले सुविधा बढी लिइरहेको टिप्पणी चलिरहेका बेला मन्त्रीले सुविधा आफ्नै मन्त्रालयबाट तोक्न पाउने व्यवस्था गरिएको छ । प्रधानमन्त्री तथा मन्त्रिपरिषदको कार्यालयबाट दिइँदै आएको सेवा सुविधालाई मन्त्रालयमा सारिएको हो ।

कुनै पनि मन्त्रीले सुविधा लिन्न भन्न पाउने छ । सरकारको यो निर्णयले कुनैपनि मन्त्रीले कति सुविधा लिने भन्ने मन्त्रीकै हातमा पुगेको हो ।

सरकारले पहिलो पटक इन्धन, गाडी, मर्मत लगायतको सुविधाको तजबिजी मन्त्री आफैलाई गर्न दिने व्यवस्था गरेको हो । गाडी, इनधन लगायतका दोहोरो सुविधा लिएको चर्चा चलेपछि यस्तो व्यवस्था गरिएको हो ।

सरकारको पछिल्लो निर्णयले मन्त्रीले आफ्नो सुविधा मन्त्रालयबाटै तोक्न पाउने व्यवस्था गरेको हो । गत शनिबारको मन्त्रीपरिषद बैठकले सुविधासम्बन्धि सबै अधिकार मन्त्रालयलाई सुम्पिदिएको हो ।