राप्रपाको पार्टी कार्यालय पशुपति सम्शेर समूहद्धारा कब्जा

काठमाडौं २३ साउन । अध्यक्ष कमल थापाको कार्यशैलीप्रति असन्तुष्टि जनाउँदै पार्टी परित्याग गरी नयाँ दल खोलेका वरिष्ठ नेता पशुपति सम्शेर राणाले राप्रपाको पार्टी कार्यालय कब्जा गरेका छन् ।

राजधानीको चावहिलमा रहेको राप्रपाको केन्द्रीय कार्यालय राणा समूहको नवगठित राप्रपा प्रजातान्त्रिकले कब्जा गरेको हो । चावहिलस्थित राणाले दान गरेको जग्गामा राप्रपाको पार्टी कार्यालय बनेको थियो ।

६ महिनाअघि राप्रपा नेपाल र राप्रपाबीच एकीकरण हुँदा धुम्बराहीमा रहेको कार्यालय चावहिलमा सारिएको थियो । चावहिलको पार्टी कार्यालयमा सोमबार राण समूहको राप्रपा प्रजातान्त्रिकको बैठक चलिरहेको छ ।

राणा समूहले कव्जा जमाएपछि कमल थापा राप्रपा नेपालको पुरानो कार्यालय रहेको धुम्बराही फर्केका छन् । राप्रपा नेपालको पार्टी कार्यालयमा कमल थापा समूहको बैठक बसिरहेको छ ।