को को भए १७ निर्विरोध! १५ गते मात्र घोषणा हुने
सारांश
- काठमाडौं, ११ माघ- राष्ट्रियसभा सदस्यका लागि १७ जना निर्विरोध निर्वाचित भएका छन् ।
- बुधबार उम्मेदवारी दर्ताकै दिन कुनैपनि प्रतिस्पर्धी नभएपछि १२ जना महिला र ५ जना पुरुष निर्विरोध भएका हुन् ।
- तर, निर्वाचन अधिकृतको कार्यालयले भने निर्विरोधहरुको नामावली औपचारिक घोषणा गरिसकेको छैन ।
काठमाडौं, ११ माघ- राष्ट्रियसभा सदस्यका लागि १७ जना निर्विरोध निर्वाचित भएका छन् । बुधबार उम्मेदवारी दर्ताकै दिन कुनैपनि प्रतिस्पर्धी नभएपछि १२ जना महिला र ५ जना पुरुष निर्विरोध भएका हुन् । तर, निर्वाचन अधिकृतको कार्यालयले भने निर्विरोधहरुको नामावली औपचारिक घोषणा गरिसकेको छैन ।
निर्वाचन कार्यतालिका अनुसार माघ १५ गते अन्तिम नामावली प्रकाशित गरिसकेपछि निर्वाचन अधिकृतले निर्विरोध घोषणा गर्ने निर्वाचन आयोगका प्रवक्ता नवराज ढकालले बताए । निर्विरोध भएकाहरुको कागजात मिलेको छ छैन भनेर सम्बन्धित प्रदेशको निर्वाचन कार्यालयले जाँच गरेपछि बल्ल निर्विरोध घोषित गरिनेछ ।
बुधबार उम्मेदवारी दर्ताकै दिनमा प्रदेश १, २, ५ र ७ मा गरी १७ जना निर्विरोध भएका हुन्। १७ सिट चाहिनेमा त्यत्तिनै संख्यामा मात्रै उम्मेदवारी परेको निर्वाचन अधिकृतको कार्यालयले जनाएको छ। प्रदेश १ मा तीन महिला, प्रदेश २ मा तीन महिला, एक दलित र एक अपांगता भएका व्यक्ति वा अल्पसंख्यक, प्रदेश ५ मा तीन महिला र प्रदेश ७ मा तीन महिला र तीन खुला समूहमा निर्विरोध भएका हुन्। निर्विरोध हुनेमा महिला नै बढी छन् ।
प्रदेश १ मा
एमालेकी नैनकला ओझा, महिलातर्फ
माओवादीकी बीना पोखरेल
कांग्रेसकी सरीता प्रसाईं,
प्रदेश २ मा महिलातर्फ माओवादीकी शशीकला दाहाल, कांग्रेसकी मुक्ताकुमारी यादव
फोरमकी प्रमिलाकुमारी यादव,
दलिततर्फबाट संघीय फोरमका रामप्रित पासवान
राजपाका वृशेषचन्द्र लाल
प्रदेश ५ मा महिलातर्फबाट एमालेकी कोमल वली र मीना बुढा
कांग्रेसको तर्फबाट अनिता देवकोटा
प्रदेश ७ मा
महिलातर्फ कांग्रेसकी तारादेवी जोशी,
एमालेकी कमला ओली र इन्दु कडरिया
खुलातर्फ एमालेका शेरबहादुर कुँवर, माओवादीका हरेराम चौधरी, कांग्रेसका बद्री पाण्डे
प्रतिक्रिया