रियल मड्रिडले कीर्तिमानी रकममा नेयमार लाई अनुबन्ध गर्ने

काठमाडौं ७,फागुन। स्पेनिस क्लब रियल मड्रिडले ब्राजिलका कप्तान तथा पेरिस सेन्ट जर्मेन (पिएसजी)का स्टार  नेयमार लाई आगामी सिजनमा अनुबन्ध गर्ने पक्का भएको छ ।

द सनडे टाइम्सका अनुसार नेयमारलाई आगामी सिजनमा अनुबन्धका लागि रियलले सबै तयारी गरिरहेको पुरा गरिसकेको छ ।२०१७ मा बार्सिलोनाबाट २२२ मिलियन यूरोमा पिएसजी गएका उनलाई रियलले त्यो भन्दा बढी मूल्य खर्चिएर अनुबन्ध गर्न लागेको हो । रियलका अध्यक्ष फ्लोरेन्टिनो पेरेज नेयमारका प्रसंशक हुन् ।

उनले लामो समय देखि नेयमारलाई आफ्नो क्लबमा भित्राउन उनलाई पच्छ्याइरहेका छन् । सोही कारणले रियलले नेयरमालाई बार्षिक २५ मिलियन पाउण्ड बढी तलब दिने गरी अनुबन्ध गर्न लागेको बताइएको छ ।पिएसजीमा गएपछि चोटका शिकार बनिरहेका नेयमार समेत सिजनको अन्त्यमा क्लब छोड्न तयार रहेको बताइएको छ । उनले पुनः स्पेन फर्कन चाहाना गरेको र रियलले उनलाई भित्र्याउने दावी समाचारमा गरिएको छ ।