“रुन मन लाउँछ” गीत सार्वजनिक

राष्ट्रिय  लोक तथा दोहारी गीत  प्रतिष्ठान सिन्धुली र राजधानी फिल्मस्को संयुक्त रुपमा आयोजना गरिएको एक कार्यक्रम बीच रुन मन लाउँछ गीत सार्वजनिक गरिएको छ ।

बागबजारमा आयोजित बिमोचन कार्यक्रममा राष्ट्रिय लोक तथा दोहारी गीत प्रतिष्ठान नेपाल केन्द्रीय समितिका सचिव खुमन अधिकारीको प्रमुख आतिथ्यतामा सम्पन्न भएको हो |
कार्यक्रममा बोल्दै दोहारी गीत प्रतिष्ठान नेपाल केन्द्रीय समितिका सचिव खुमन अधिकारीले भने “म लोक दोहोरी गायक हु लोकको जनजीवनलाइ टपक्कै टिपेर गित बनाउछु र गाउछु र त म ढाकाटोपी र दौरासुरुवाल लगाउछु ।”
सो कार्यक्रममा कलाकार संकर अधिकारी घायल, रास्ट्रीय लोक तथा दोहारी गीत प्रतिष्ठान सिन्धुलीका सल्लाहकार सुनिल श्रेष्ठ लगायत अन्य को सहभागीता रहेको थियो ।

रमन पहाडीको शब्द तथा लय रहेको रुन मन लाउँछ लोकदोहोरी गीतलाई चर्चित लोक तथा दोहोरी गायिका देवी घर्तीका साथमा चक्र साउदको स्वर रहेको छ भने रमन पहाडी र डायना ओझाकोअभिनय रहेको छ ।
राजधानी फिल्मसले गरेको दृश्य निमार्णमा देवेन्द्र कुँवरको निर्देशन छ भने केवी भण्डारीको संगीत संयोजन रहेको छ ।जनकराज अधिकारीले दृश्य खिचेका हुन् । प्रेम शर्मा पौडेलले भिडियो सम्पादन गरेका हुन् । गीतलाई निरमाया लामा र चक्र साउदले प्रस्तुत गरेका हुन् ।