रुसको छिमेकी फिनल्याण्डका राष्ट्र प्रमुख ‘ढिलो नगरी’ नाटोको सदस्यता लिने पक्षमा

फिनल्याण्डका राष्ट्रपति र प्रधानमन्त्रीले बिहिबार एक वक्तव्य जारी गर्दै नाटोको सदस्य प्रक्रियामा ‘ढिलो गर्न नहुने’ बताएका छन्। रुससँग १३४० किमी भूमि जोडिएको फिनल्याण्ड अमेरिकी नेतृत्वको सैन्य गठबन्धन नाटोको सदस्यता लिन एक कदम अगाडि बढेको छ।

राष्ट्रपति सोली नीनिस्तो र प्रधानमन्त्री सान्ना मरिनको नाटोको समर्थनमा वक्तव्य आउनुअघि फिनिस सरकारले संसदमा देशको सुरक्षा विषयमा एक प्रतिबेदन पेस गेको थियो । रिपोर्टमा नाटोको सदस्यतालाई विकल्पको रुपमा प्रस्तुत गरिएको थियो।

बिहिबार जारी संयुक्त वक्तव्यमा निनिस्तो र मरिनले भनेका छन् ः‘नाटोको सदस्यताले फिनल्याण्डको सुरक्षा बलियो बनाउँछ । साथमा फिनल्याण्ड पनि नाटो सबलतामा योगदान गर्न सक्छ । फिनल्याण्डले ढिलो नगरी नाटोको सदस्यताको दरखास्त हाल्नुपर्छ। यस सम्बन्धमा देशले उठाउन आवश्यक कदम आगामी केही दिनभित्र शिघ्रता उठाईनेछ भन्ने हामीले आसा लिएका छौं।’

फेब्रुअरी २४ मा रुसले युक्रेनमाथि आक्रमण गरेपछि मतसर्वेक्षणहरुमा फिनल्याण्नका नागरिकमाझ नाटोप्रतिको समर्थन ३० प्रतिशतबाट बढेर झण्डै ८० प्रतिशत पुगेको पाइएको छ।

नाटोको सदस्यता प्रस्ताव गर्नको लागि पहिले फिनल्याण्डको संसदले स्वीकृती दिनुपर्छ र त्यसपछि केही घरेलु कानुनी अड्चन हटाउनु पर्छ । त्यसपछि नाटो आफैले फिनल्याण्डलाई सदस्यताबारे छलफल गर्न आमन्त्रण गर्ने अपेक्षा छ ।
फिनल्याण्डको पश्चिमी छिमेकी स्वीडेनले पनि छिट्टै नाटोको सदस्यताको लागि प्रस्ताव गर्ने चर्चा छ।

रुसले दुवै मुलुकको नाटोको सदस्यताको विरोध गरेको छ। यी दुई मुलुकले नाटोको सदस्यता लिएर त्यसको परिणाम भोग्नुपर्ने रुसले धम्की दिईसकेको छ।

फिनल्याण्डले दोस्रो विश्वयुद्धदेखि नै कुनै सैन्य गठबन्धनमा सहभागी नहुने तठस्थताको नीति अंगिकार गर्दै आएको थियो।

सैन्य तटस्थताकै नीतिका कारण सोभियत संघ अस्तित्वमा रहदाँ पुजीवादी राजनीतिक प्रणाली अंगिकार गरेको फिनल्याण्डको संघसँग राम्रो व्यापारिक सम्बन्ध थियो।