नवलपरासी,चितवन र म्याग्दी,सवारी दुर्घटनामा मृत्यु तथा घाइते

काठमाडौँ, १२ कात्तिक
नवलपरासी ः रामग्राम नगरपालिका–१७ पिपरैया स्थित भित्री सडक खण्डमा भे.१ त ६०६६ नम्बरको ट्याक्टर आइतबार अनियन्त्रित भई दुर्घटना हुँदा चालक सोही ठाउँ बस्ने ४० बर्षीय मोहन चौधरीको घट्नास्थलमै मृत्यु भएको छ ।
चितवन ः भरतपुर महानगरपालिका–१ रामनगर र आँपटारीको बिच जंगलमा ना.५ ख ८६९४ नम्बरको बस र बा.३ ख ९०१२ नम्बरको खाली टिपर आइतबार एकआपसमा ठक्कर खाई दुर्घटना हुँदा बसमा सवार चालक सहित २६ जना घाइते भएका छन् । घाइतेहरु मध्ये ११ जनालाई पुरानो मेडिकल कलेज, ६ जनालाई नयाँ मेडिकल कलेज र ९ जनालाई सरकारी अस्पताल भरतपुरमा उपचारको लागि लगिएको छ । घाइते मध्ये ४ जनाको अवस्था गम्भीर रहेको छ । फरार टिपर चालकको प्रहरीले खोजतलास गरिरहेको छ ।
म्याग्दी ः मंगला गाउँपालिका–४ झाँक्रीपानी सोलधारा भन्ने स्थानमा ध.१ ज ६०१ नम्बरको बलेरो जिप आइतबार सडकबाट अंदाजी ३० मिटर तल खसेर दुर्घटना हुंदा जिपमा सवार चालक सहित ५ जना घाइते भएका छन् । घाइतेहरुलाई जिल्ला अस्पताल म्याग्दीबाट थप उपचारको लागि मणीपाल अस्पताल पोखरा पठाइएको छ ।