वाग्मतीका मुख्यमन्त्रीले आज शपथ लिँदै
सारांश
- काठमाडाैं ।
- वाग्मती प्रदेशका नवनियुक्त मुख्यमन्त्री शालिकराम जम्कट्टेलले मंगलबार पद तथा गाेपनीयताकाे शपथ लिनुहुने भएकाे छ ।
- प्रदेश प्रमुख यादवचन्द्र शर्माले मुख्यमन्त्री जम्कट्टेललाई बिहान साढे ९ बजे एक समाराेहबीच शपथ गराउन लाग्नुभएकाे प्रदेश प्रमुखकाे कार्यालयले जनाएकाे छ ।
काठमाडाैं । वाग्मती प्रदेशका नवनियुक्त मुख्यमन्त्री शालिकराम जम्कट्टेलले मंगलबार पद तथा गाेपनीयताकाे शपथ लिनुहुने भएकाे छ ।प्रदेश प्रमुख यादवचन्द्र शर्माले मुख्यमन्त्री जम्कट्टेललाई बिहान साढे ९ बजे एक समाराेहबीच शपथ गराउन लाग्नुभएकाे प्रदेश प्रमुखकाे कार्यालयले जनाएकाे छ ।
प्रदेश प्रमुख शर्माले नेपालको संविधानको धारा १६८ को उपधारा २ अनुसार जम्कट्टेललाई साेमबार मुख्यमन्त्री नियुक्त गर्नुभएकाे थियाे । उहाँ वाग्मतीकाे चाैथाे मुख्यमन्त्री हुनुहुन्छ ।
कुल १ सय १० सदस्यीय वाग्मती प्रदेश सभामा जम्कट्टेललाई एमालेका २७, माओवादी केन्द्रका २१, राप्रपाका १३, एकीकृत समाजवादीका ७ र हाम्रो नेपाली पार्टीका २ सहित ७० सांसद्को समर्थन छ । केन्द्रमा सरकारलाई समर्थन नगरेकाे एकीकृत समाजवादीले वाग्मतीमा भने जम्कट्टेललाई समर्थन गरेकाे छ ।
माओवादी पोलिटब्युरो सदस्य एवं वाग्मती प्रदेश संसदीय दलका नेता जम्कट्टेल मंसिर ४ गते सम्पन्न चुनावमा धादिङ १ (ख) बाट प्रदेश सभा सदस्यमा निर्वाचित हुनुभएकाे थियाे ।
प्रतिक्रिया