विवाह पञ्चमीः राम–सीताको विवाह गरी मनाइँदै

काठमाडौं २६ मंसिर । मार्गशीर्ष शुक्ल पञ्चमीका दिन मनाइने विवाह पञ्चमी पर्व आज श्रीरामचन्द्र र सीताको पूजा आराधना गरी मनाइँदैछ ।

त्रेतायुगमा मार्ग शीर्ष शुक्ल पञ्चमीका दिन सीता र रामको विवाह भएको सम्झनामा आज देशभर राम सीताको पूजा आराधना गरी पर्व मनाउन लागिएको हो । मिथिलाको प्राचीन राजधानी जनकपुरधाममा भगवान् सीता र रामको विवाह महोत्सव विधिपूर्वक हुँदैछ ।

जनकनन्दनी सीताको विवाह भएको दिनलाई सम्झेर मिथिलावासीले यस पर्वलाई विशेष महोत्सवका रूपमा मनाउने गरेका छन् । त्रेतायुगमा मिथिलाका राजा जनकले आफ्नी छोरी सीताको स्वयंवरका लागि राखिएको शिवधनुषलाई अयोध्याका राजा दशरथका जेठा छोरा रामले तीन टुक्रा परेको किंमदन्ती रहेको छ ।

शिवधनुषलाई भाँचेपछि मार्गशीर्ष शुक्ल पञ्चमीका दिन राम र सीताको विवाह सम्पन्न भएको थियो । आज विवाह गर्न साइत नचाहिने मान्यतासमेत रहेको छ । प्रदेश नं २ सरकारले प्रदेशका आठ जिल्लामा सार्वजनिक बिदा दिएको छ ।

यसैबीच, विवाह पञ्चमीमा सहभागि हुन छिमेकी मुलुक भारतको बिहारका मुख्यमन्त्री योगी आदित्यनाथ आज जनकपुर आउदैछन् । उनको सुरक्षाका लागि जनकपुरमा ४ हजार बढी सुरक्षकर्मी परिचालन गरिएका छन् । उनी जन्ती बनेर रामसीताको विवाह हुने ठाँउ रंगभूमीमा पुग्नेछन् ।