विश्वकप फुटबल: अर्जेन्टिना फाइनलमा
सारांश
- काठमाडाैं।
- दुईपटकको विश्वविजेता अर्जेन्टिना फिफा विश्वकप २०२२ को फाइनलमा प्रवेश गरेको छ।
- दक्षिण अमेरिकी च्याम्पियन अर्जेन्टिनाले साविक उपविजेता क्रोएसियालाई ३-० को सानदार जीत निकाल्दै उपाधी भिडन्तमा स्थान पक्का बनाएको हो।
काठमाडाैं। दुईपटकको विश्वविजेता अर्जेन्टिना फिफा विश्वकप २०२२ को फाइनलमा प्रवेश गरेको छ। दक्षिण अमेरिकी च्याम्पियन अर्जेन्टिनाले साविक उपविजेता क्रोएसियालाई ३-० को सानदार जीत निकाल्दै उपाधी भिडन्तमा स्थान पक्का बनाएको हो।
लुसेल रंगशालामा आज बिहान भएको पहिलो सेमिफाइनल खेलमा कप्तान लियोनल मेस्सीले एक गोल र जुलियन अल्भारेजले दुई गोल गरेका थिए। क्रोएसियाले पहिलो हाफ दवाब बनाएपनि खेलको चौतीसौं मिनेटमा पाएको पेनाल्टी प्रहारलाई मेस्सीले गोल गर्दै अर्जेन्टिनालाई अग्रता दिलाएका थिए।
खेलको ३९औं मिनेटमा काउन्टर एट्याकमा अल्भारेजले वान टु वानको स्थितिमा अर्को गोल गर्दै अर्जेन्टिनाले अग्रता दोब्बर बनाएको थियो। पहिलो हाफ २-० ले अग्रता लिएको अर्जेन्टिनाले दोस्रो हाफमा बल पकट बलियो बनाउँदै क्रोएसियालाई अबसर सिर्जना गर्न दिएन खेलको ६९औं मिनेटमा मेस्सीले दिएको कट ब्याकमा अल्भारेजले सुन्दर गोल गर्दै अर्जेन्टिनाको जीत निश्चित गरेका थिए।
अर्जेन्टिनी कप्तान लियोनल मेस्सीले विश्वकपमा एघार गोल गर्दै अर्जेन्टिनाका लागि सर्वाधिक गोलकर्ताको सूचीमा आफ्नो नाम दर्ता गराएका छन्। फिफा विश्वकप २०२२ को फाइनल उपाधीका लागि अब अर्जेन्टिनाले दोस्रो सेमिफाइनलको विजेता फ्रान्स वा मोरक्कोसँग खेल्नेछ।
दोस्रो सेमिफाइनल खेल आज मध्यराती १२.४५ बजे साविक विजेता फ्रान्स र अफ्रिकी राष्ट्र मोरक्कोबीच अल बायत रंगलशालामा खेलिँदैछ।
प्रतिक्रिया