वीरेन्द्रको ७५ औं जन्मदिनमा सम्झना (फोटोफिचर)
सारांश
- काठमाडौं, १४ पौष ।
- स्वर्गीय राजा वीरेन्द्रको आज ७५ औं जन्मदिन ।
- १४ पौष २००२ मा उनको जन्म भएको थियो ।
काठमाडौं, १४ पौष । स्वर्गीय राजा वीरेन्द्रको आज ७५ औं जन्मदिन । १४ पौष २००२ मा उनको जन्म भएको थियो । आजको दिन वीरेन्द्रको सम्झनामा विविध कार्यक्रम आयोजना गरिएको छ ।
ललितपुरको जावलाखेलस्थित वीरेन्द्रको शालिकमा माल्र्यापण गरिएको छ । वीरेन्द्रलाई सम्झना गर्दै सयौंको संख्यामा मानिसहरु उपस्थित भएका थिए ।
तत्कालिन युवराज महेन्द्र र युवराज्ञी इन्द्रराज्यलक्ष्मीदेवी शाहका जेठा छोराका रुपमा उनको जन्म भएको थियो । महेन्द्र पछि वीरेन्द्र उत्तराधिकारी बनेका थिए । उनी २०२८ सालमा महेन्द्रको निधनपछि राजा भएका थिए ।
राजा वीरेन्द्रको २०५८ जेठ १९ गते हत्या भएको थियो । राजदरबार हत्याकाण्डमा मारिएका वीरेन्द्रको वंशनाश नै भयो । हत्याकाण्डको अनुसन्धान गर्न गठित छानविन आयोगले तत्कालिन युवराज दीपेन्द्रले स्वचालित हतियार चलाउँदा दरबार हत्याकाण्ड भएको भनिएको छ । दीपेन्द्रले आत्महत्या गरेको छानविन समितिले उल्लेख गरेको छ ।
वीरेन्द्र नेपालको इतिहासमा लोकप्रीय राजामध्येमा पर्छन् । सालिन व्यक्तित्वका कारण उनी प्रीय थिए । वीरेन्द्रको वंशनाशपछि नेपालको इतिहासले नयाँ मोडमात्र लिएन राजसंस्थाकै अन्त हुने परिस्थिति सृजना भयो ।
प्रतिक्रिया