वैदेशिक रोजगारीबाट फर्केकालाई सरकारले १० लाख कर्जा दिने
सारांश
- काठमाडौं ।
- तपाइँ वैदेशिक रोजगारीमा गएर फर्कनुभएको हो ?
- अब स्वदेशमै केही काम गर्न चाहनुहुन्छ ?
काठमाडौं । तपाइँ वैदेशिक रोजगारीमा गएर फर्कनुभएको हो ? अब स्वदेशमै केही काम गर्न चाहनुहुन्छ ? यदि तपाइँको यस्तो विचार छ भने, सरकारले कर्जा दिने भएको छ । अब घरमै बसीबसी कर्जा पाइने भएको छ ।
सरकारले वैदेशिक रोजगारीबाट फर्केर देशमै केही गर्न खोज्नेलाई १० लाखसम्मको कर्जा दिने भएको छ । ऋण लिनको लागि एउटा फाराम भने भर्नुपर्नेछ । फाराम वेभसाइडबाट डाउनलोड गरेर भरी इमेलमा पठाउन पनि सकिने व्यवस्था सरकारले गरेको छ ।
श्रम, रोजगार तथा सामाजिक सुरक्षा मन्त्रालयका अनुसार देशमै बसेर पेशा, व्यवसाय, उद्यम गर्न इच्छुकले १० लाख रुपैयाँसम्मको सरल कर्जा पाउने भएका छन् ।
सरकारको नीति तथा कार्यक्रम रहेको हुँदा इच्छुक व्यक्तिले फाराम भर्न आग्रह गरेको छ । २०७५ पुस मसान्तभित्र वैदेशिक रोजगार प्रबद्र्धन बोर्डको सचिवालयमा पुग्नेगरी निवेदन दिन सूचना जारी गरेको छ ।
आवेदन फाराम बोर्ड सचिवालयको वेभसाइड www.fepb.gov.np बाट समेत डाउनलोड गर्न सकिने व्यवस्था छ ।
सचिवालयको इमेल ठेगाना info@fepb.gov.np बाट समेत पेश गर्न सकिनेगरी सुचना जारी गरेको छ ।
प्रतिक्रिया