शिक्षण अस्पताल महाराजगञ्जमा झडप

काठमाडौं, १० साउन । डा गोविन्द केसीको मागमा सम्बोधन गर्दै आन्दोलनरत चिकित्सक र प्रहरीबीच शिक्षण अस्पताल महाराजगञ्जमा झडप भएको छ । झडपपछि प्रहरीले करिब दुई दर्जन चिकित्सकहरुलाई पक्राउ गरेको छ । बिहीबार बिहान शिक्षण अस्पताल महाराजगञ्जबाट शुरु भएको चिकित्सक र स्वास्थ्यकर्मीहरुको जुलुस प्रधानमन्त्री निवास बालुवाटारतर्फ जान खोज्दा प्रहरीले रोकेपछि झडप भएको हो ।

चिकित्सक तथा स्वास्थ्यकर्मीहरुले ‘सरकार हामी तिम्रो सन्तान हौं, तिमी हाम्रो अभिभावक किन बन्दैनौं रु’ जस्ता लेखिएका प्लेकार्ड बोकेर नाराबाजी गर्दै हिडेका थिए । प्रहरीले चिकित्सकहरूलाई शिक्षण अस्पतालको गेट अगाडि नै रोकेको बताइएको छ ।

अहिले केसीपक्षको प्रदर्शनका कारण नारायाण गोपाल–टिचिङ सडकखण्ड अवरुद्ध भएको छ ।
चिकित्सक र स्वास्थ्यकर्मीहरुले प्रदर्शन जारी राखेपछि उनीहरुलाई पक्राउ गरिएको थियो ।