सन्जुले रच्याे इतिहास, सलमान र अामिर पछि परे

रणबीर कपूर अभिनित चलचित्र सन्जुले इतिहास रचेको छ । यसले आमिर खानको पिके र सलमान खनको टाइगर जिन्दा हे लाई पछि पार्दै बलिउडको सबैभन्दा बढी कमाउने सिनेमाको सूचिमा दोस्रो नम्बरमा आएको छ । अब सन्जु भन्दा अघि आमिर खानको दंगल मात्र रहेको छ ।

सिनेमाले ३४० करोडको आँकडा पार गरेसँगै पिके र टाइगर जिन्दा हे को ३३९ करोडको किर्तिमान भंग भएको हो । सलमान र आमिर भन्दा अघि जानु रणबीरका लागि निकै ठूलो उपलब्धि हो ।

अहिले सम्म बलिउडमा दुईवटा मात्र सिनेमा छन् जो कुनै खानको संलग्नता बिना नै ३०० करोड क्लबमा स्थान बनाउन सफल भएका छन् । पहिलो पद्मावत हो भने दोस्रो सन्जु ।

सन्जुले ३२२ प्रतिशतको मुनाफा कमाएको छ । यो राजकुमार हिरानीको पनि सबैभन्दा ठूलो फिल्म हो । उनले आफ्नै फिल्म पिकेको किर्तिमान भंग गरेका छन् । जसबाट उनी निकै खुशी पनि छन्। हिरानी एकमात्र यस्ता निर्देशक हुन् जसका दुई वटा फिल्मले ३०० करोडको आँकडा पार गरेका छन् ।