सम्माननिय परराष्ट्रमन्त्री कृष्णबहादुर महरालार्इ मलेसियाबाट नेपाली कामदारको खुल्लापत्र !

परराष्ट्रमन्त्री ज्यू हजुरलाई यसरी सम्मान गर्ने मन त थिएन । नभए पनि सोध्नैपर्यो सञ्चै आरामै हुनुहुन्छ ? पक्कै पनि सञ्चै आरामै हुनुहुन्छ भन्ने पुर्ण आशा गरेको छु ।

हजुरलाई थाहा होलानी सायद अहिले मलेसियामा इलिगल कामदारलाई कस्तो व्यवहार गर्दैछन् मलेसियाली इमिगेसनले ? किन तपाईंहरु मग्नता हुनुहुन्छ ? कि तपाईंहरुलार्इ आफ्नो नेपाली जनताको अलिकति पनि चासो छैन् ?

नेपालमा रोजगारी नभएपछि सम्पूर्ण नेपाली दाजुभाइ दिदीबहिनी आफ्नो घरायसी समस्याको कारण विदेशिन बाध्य भएका छन् । यतिखेर मलेसियामा इलिगल कामदारलाई पशु सरहको व्यवहार गरि नाङेझार बनाएर तड्पारहेको छ ।

इलिगल हुनु हाम्रो गल्ती त हो, तर पनि साहुको ऋणमा फसेर धन कमाउने सपना बोकेर मलेसिया आउँछन् । नेपालका मेनपावरका दलालीहरुले विभिन्न झुटो आश्वासन देखाएर सक्दो रकम असुल्छन् । यहाँ प्राय कम्पनीमा कमाइ हुन्न, खान समेत पुग्दैन भने कसरी आफ्नो घर व्यवहार टार्ने साहुको ऋण कसरी तिर्ने ? मलेसियामा नेपाली कामदार इलिगल हुनु रहर होइन बाध्यता हो ।
यसरी आफ्नो नेपाली कामदारलाई तड्पाउँदा तपाइईहरु दारु, भारु, सत्ता र भत्ताको मात्र चासो भयो, आफ्नो कामदार जनताप्रति केही गुनासो छैन् तपाईंहरुलार्इं ?

हाम्रो पसिना बेचेर भत्ता खाने तपाइहर्रु सत्ताधारीलाइ धिकार छ । किन यस्तो भेडाबाख्रा बस्ने ठाउँमा नेपाली कामदार आउन रोक नलगाको ? दिन प्रतिदिन यहि ठाउँमा नेपालीहरु कुकुरको जस्तो मरण छ । कहाँ छ सरकार कहाँ छ हाम्रो देश नेपाल ?

सम्पूर्ण सत्ताधारीहरुलाइ के भन्न चाहन्छु भने तत्काल नेपाली कामदारलाई मलेसिया आउन रोक लगायियोस् । र, जति मलेसियामा बस्ने इलिगल कामदारलाई तुरुन्त नेपाल झिकायियोस् सरकार !

आफ्नो नेपाली कामदारको पसिना बेचेर सत्तामा बसेर भत्ता खाने सत्ताधारीहरुलार्इ जानकारी होस् मलेसियामा नेपाली कामदार कुकुर जसरी मर्न आएका होइनन् । विदेसिनु कसैको रहर हुन्न बध्यता हो । दुख गर्न आएका नेपालीमाथि यहाँ गरेको अन्याय र अत्यचारप्रति घोर विरोध गर्दछु ।

यस्तो बेला परराष्ट्र नीति वैदेशिक कुटनीतिक नियोग विभिन्न निकायसँग समन्वय र सहकार्य गरि आफ्नो देशका नागरिकको ज्यानको रक्षा गर्नु सरकार राज्यको दायित्व हो । कर्तव्य हो तर मेरो देश मेरो सरकार कहाँ छ ?

यस्तो भयङ्कर जन्जिरभित्र छट्पटाईरहेका आफ्ना नागरिकप्रति कुनै चासो नदेखाईनु चासो नदिनुमा मेरो गम्भिर आपत्ती छ ।
रमेश खड्का
हाल सिङ्गापुर मलेसिया बडर