सरकारलाई प्रदेश प्रमुख र अस्थायी मुकाम तोक्न हम्मेहम्मे, सर्यो मन्त्रिपरिषद बैठक
सारांश
- काठमाडौं, २ माघ ।
- प्रदेश प्रमुख र अस्थायी मुकाम तोक्न सरकारलाई हम्मेहम्मे परेको छ ।
- यी दुई विषयमा निर्णय गर्न आज अपरान्ह बस्ने भनिएको मन्त्रिपरिषद बैठक भोलिका लागि सारिएको छ ।
काठमाडौं, २ माघ । प्रदेश प्रमुख र अस्थायी मुकाम तोक्न सरकारलाई हम्मेहम्मे परेको छ । यी दुई विषयमा निर्णय गर्न आज अपरान्ह बस्ने भनिएको मन्त्रिपरिषद बैठक भोलिका लागि सारिएको छ ।
प्रदेश अस्थायी मुकाम तोक्न र प्रदेश प्रमुख नियुक्त गर्ने मुख्य एजेण्डाका साथ आज अपरान्ह साढे ४ बजे बैठक बोलाइएको थियो । अब भोलि बिहान ९ बजे मन्त्रिपरिषद्को बैठक बस्ने कानुनमन्त्री यज्ञबहादुर थापाले जानकारी दिएका छन् ।
प्रदेशसभा र प्रतिनिधिसभाको चुनाव भएको ४० दिनसम्म पनि प्रदेश प्रमुख र अस्थायी मुकाम तोक्न नसकेको भन्दै सरकारको कडा आलोचना भइरहेको छ । प्रदेश प्रमुख नियुक्ति र अस्थायी मुकाम तोक्न नसक्दा निर्वाचन आयोगले प्रदेश सभातर्फको अन्तिम मत परिणाम समेत सार्वजनिक गर्न सकेको छैन ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया