रेशम चौधरीकाे बचाउमा बाेले महताे ‘आरोप लाग्दैमा कोही अपराधी हुँदैन ।’
सारांश
- काठमाडौं, २२ फागुन ।
- (राष्ट्रिय जनता पार्टीले कैलाली क्षेत्र नम्बर १ बाट निर्वाचित सांसद रेशम चौधरीलाई तत्काल रिहा गरी संसदमा आउने वातावरण बनाउन माग गरेको छ ।
- पार्टीका अध्यक्ष मण्डल सदस्य राजेन्द्र महतोले मंगलबारको प्रतिनिधिसभा बैठकमा सम्बोधन गर्दै यस्तो माग गरेका हुन् ।
काठमाडौं, २२ फागुन । (राष्ट्रिय जनता पार्टीले कैलाली क्षेत्र नम्बर १ बाट निर्वाचित सांसद रेशम चौधरीलाई तत्काल रिहा गरी संसदमा आउने वातावरण बनाउन माग गरेको छ ।
पार्टीका अध्यक्ष मण्डल सदस्य राजेन्द्र महतोले मंगलबारको प्रतिनिधिसभा बैठकमा सम्बोधन गर्दै यस्तो माग गरेका हुन् । ‘कैलाली क्षेत्र नम्बर १ बाट जनताको अपार माया र मतले निर्वाचित रेशम चौधरी यो संसदमा हुनैपर्छ,’ महतोले भने, ‘कसैलाई कुनै आरोप लाग्नसक्छ, आरोप लाग्दैमा कोही अपराधी हुँदैन ।’
उनले चौधरीलाई संसदमा ल्याउने वातावरण बनाउन सरकार र संसद सचिवालयलाई आग्रह गरे ।
टीकापुर घटनाको मुख्य दोषी रहेको आरोप लागेका चौधरीलाई जिल्ला अदालत कैलालीले पुर्पक्षका लागि जेल चलान गरेको छ । दुई वर्षअघि कैलालीको टीकापुरमा थरुहट आन्दोलनका क्रममा नेपाल प्रहरीका एसएसपी लक्ष्मण न्यौपानेसहित ७ सुरक्षाकर्मी र १ नाबालकको हत्या भएको थियो ।
प्रतिक्रिया