सरकारले बजेट ल्याउन नसक्नुमा देउवाको दोष–ओली

विराटनगर, २६ जेठ।  प्रधानमन्त्री केपी शर्मा ओलीले संघीय सरकारले ल्याएको बजेटमा प्रदेशले चित्त दुखाउनुपर्ने अबस्था नरहेको बताएका छन  ।

विराटनगर बिमानस्थलमा पत्रकारसँग कुरा गर्दै प्रधानमन्त्री ओलीले  तुरुन्तै ब्यवस्थित भइहाल्ने अबस्था नभएकोले त्यसलाई ब्यवस्थापन गर्दै लगिने प्रधानमन्त्री ओलीले बताए । चुनावी घोषणा पत्र अनुसार बजेट ल्याउन नसकेको बिषयमा ओलीले अघिल्लो (शेरबहादुर देउवा नेतृत्वको) सरकारलाई दोष लगाएका छन ।

अघिल्लो सरकारले बिना योजना ७ सय ५० अर्ब बाँडेकोले त्यो तिनुपर्ने दायित्व अहिलेको सरकारमा आएको ओलीले बताउनुभयो ।

‘साढे ७ अर्ब अघिल्लो सरकारले मनपरी बाँडेको अबस्था छ, यो राजश्वको ठूलो प्रतिशत हामीले दायित्व लिनु पर्ने छ , ओलीले भने, अहिले अर्थतन्त्रको हिसावले घुँडा टेकेको छ, त्यसलाई ट्रयाकमा ल्याउनु छ । ’ योजनामा नै नभएका ठेक्का पट्टाहरु लागेकोले ७ सय ५० अर्ब भनेको ठूलो रकम भएकालेले यो दायित्व पुरा गरेन भने अप्ठेरो आउने ओलीको भनाइ छ ।