सांसद महेश बस्नेतकाे पहलमा कोटेश्वर–जडिवुटीमा तिहार अघि नै बेलिव्रिज सञ्चालनको तयारी

काठमाडौं,  ११ असाेज ।  कोटेश्वर–जडिवुटीको जाम ब्यवस्थापनमा नेकपाका केन्द्रीय सदस्य एवं भक्तपुरका सांसद महेश बस्नेतले पहलकदमी थालेका छन् । सांसद बस्नेतले माथिल्लो तहदेखि तल्लो तहसम्म समन्वय गरेर जाम ब्यवस्थापमा जुटेको केहि महिनाभित्रै अस्थायी समाधानको बाटो खुल्ने भएको  हाे । जामको समस्या अस्थायी रुपमा समाधान गर्न हनुमन्ते नदी तथा मनोहरा नदीको दोभानमा तिहार अघि नै बेलिव्रिज सञ्चालनमा ल्याइने तयारी भइरहेको छ ।  पूर्व उद्योगमन्त्री बस्नेतको विशेष पहलमा सडक विभाग केन्द्रीय कार्यालय ललितपुरका महानिर्देशक रविन्द्रनाथ श्रेष्ठ, पिआईडी दिवाकर ढकाल, स्थानिय जनप्रतिनिधि तथा सरोकारवाला निकायहरु सहितको स्थलगत निरिक्षण पछि उक्त कुरा बताइएको हो ।

उक्त स्थानमा अरनीको राजमार्गको वैकल्पीक सडकको रुपमा हनुमन्ते नदी तथा मनोहरा नदीको करिडोर निर्माणका कार्यहरु अघि वढिरहेका छन् । त्यस्तै पेप्सीकोलादेखि सल्लाघारीसम्म पनि अरनीको राजमार्गको वैकल्पीक सडकको रुपमा सडकको चौडाई वढाउने कार्य टेण्डर भई निर्माण कार्य अघि बढिरहेको छ । निरिक्षणका क्रममा सांसद बस्नेतले  भने ‘कोटेश्वर – जडिवुटीमा सवारी जामका कारण लाखौ मानिसको लामो समय वर्वाद भइरहेको र त्यसलाई दिर्घकालिन समस्या समाधान गर्न राष्ट्रिय गौरवका कार्यहरु सुरुङ मार्ग, बैकल्पीक मार्ग लगायतका कार्यहरु अघि वढिरहेको छ ।

हनुमन्ते नदी तथा मनोहरा नदीमा स्थायी पुलहरु निर्माणका प्रकृयामा रहेका छन् । ति दिर्घकालिन योजनाहरु पूर्ण रुपमा सञ्चालनमा नआउन्जेलसम्म अस्थायी रुपमा बालकुमारीदेखि हनुमन्ते – मनोहरा हुँदै अरनिको राजमार्गसम्म जोड्नको लागि यो वेलिव्रज बनाउने प्रकृयामा अघि वढाएका हौं ।’ त्यस्तै विभागका महानिर्देशक श्रेष्ठले उक्त वेलीव्रीज सम्भाव भएसम्म आगामि तिहार अघि नै सञ्चालनमा ल्याउने बताए । यससंगै सवारी जामका कारण वाक्क भएका सर्वसाधारणले अब केहि समयमै शान्तिको श्वास फेर्न पाउने भएका छन् ।