चितवनमा ग्रिनेट बम विस्फोट, भाटभटेनीमा क्षति
सारांश
- चितवन, ३० वैशाख- चितवनको भरतपुर ओरालोनजिक रोयल सेन्च्युरी होटल र भाटभटेनी सुपरमार्केट बीचमा आज बिहानै बम विस्फोट भएको छ ।
- बम विस्फोट विप्लव नेतृत्वको नेकपाका कार्यकर्ताले ग्रिनेट विस्फोट गराएको चितवनका प्रहरी उपरीक्षक दीपक थापाले जानकारी दिए ।
- मोटसाइकलमा पुगेका दुई जनाले बम विस्फोट गराएको प्रहरीले जनाएको छ ।
चितवन, ३० वैशाख- चितवनको भरतपुर ओरालोनजिक रोयल सेन्च्युरी होटल र भाटभटेनी सुपरमार्केट बीचमा आज बिहानै बम विस्फोट भएको छ ।
बम विस्फोट विप्लव नेतृत्वको नेकपाका कार्यकर्ताले ग्रिनेट विस्फोट गराएको चितवनका प्रहरी उपरीक्षक दीपक थापाले जानकारी दिए । मोटसाइकलमा पुगेका दुई जनाले बम विस्फोट गराएको प्रहरीले जनाएको छ ।
प्रहरीका अनुसार विस्फोटबाट भाटभटेनीको पछाडि भागको सिसा फुटेको छ । अन्य मानवीय क्षति भने नभएको प्रहरीले जनाएको छ । प्रहरी उपरीक्षक थापाले विस्फोट गर्ने एकजनाको पहिचान भएको र खोजी जारी रहेको बताइएको छ ।
विप्लब नेतृत्वको बन्दको हल्लाले आज चितवनमा फाट्टफुट्ट मात्रै सवारी चलेका छन् ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया