सिटौला पक्षले चेतावनी दिएपछि कांग्रेस केन्द्रीय समितिको बैठक स्थगित !
सारांश
- काठमाडाै, १७ वैशाख ।
- सोमबार बस्ने भनिएको नेपाली कांग्रेस केन्द्रीय समितिको निर्वाचित पदाधिकारी बैठक स्थगित भएको छ।
- आफूहरूसँग छलफलै नगरी बैठक बोलाएको भन्दै बरिष्ठ नेता रामचन्द्र पौडेल र पूर्व महामन्त्री कृष्णप्रसाद सिटौला पक्षले बहिष्कार गर्ने चेतावनी दिएपछि बैठक स्थगित भएको हो।
काठमाडाै, १७ वैशाख । सोमबार बस्ने भनिएको नेपाली कांग्रेस केन्द्रीय समितिको निर्वाचित पदाधिकारी बैठक स्थगित भएको छ।
आफूहरूसँग छलफलै नगरी बैठक बोलाएको भन्दै बरिष्ठ नेता रामचन्द्र पौडेल र पूर्व महामन्त्री कृष्णप्रसाद सिटौला पक्षले बहिष्कार गर्ने चेतावनी दिएपछि बैठक स्थगित भएको हो।
महामन्त्री डा। शशांक कोइरालाको अनुरोधमा बैठक स्थगित गरी २१ गते गर्ने निर्णय गरिएको बताइएको छ। कांग्रेस सभापति शेरबहादुर देउवाले पदाधिकारी मनोनयनका लागि सोमबार बिहान साढे ८ बजे बैठक बोलाएका थिए।
कांग्रेसको १३ औं महाधिवेशन भएको २६ महिनापछि सभापति शेरबहादुर देउवाले आज (सोमबार) पदाधिकारी मनोनयनका लागि बैठक बोलाएका थिए। पार्टी कार्यालय सानेपामा बस्ने बैठकमा देउवाले पार्टी र पदाधिकारी मनोनयनका लागि नाम प्रस्ताव गर्ने तयारी गरेका थिए।
तर वरिष्ठ नेता पौडेलले पार्टी सभापति देउवा पदाधिकारी मनोनयनका विषयमा एकलौटी ढंगबाट अघि बढेको भन्दै पौडेलले बैठक बहिष्कार गर्ने चेतावनी दिएका थिए।
सभापति देवाले एक उपसभापति, महामन्त्री, सहमहामन्त्रीको नाम केन्द्रीय समिति बैठकमा प्रस्ताव गर्ने तयारी गरेका छन्। उपसभापतिमा बिमलेन्द्र निधि, महामन्त्रीमा पूर्ण बहादुर खड्का, सहमहामन्त्रीमा प्रकाशशरण महतको नाम प्रस्ताव गर्ने देउवाको तयारी छ।
निर्वाचित केन्द्रीय सदस्यहरू मध्येबाट सभापतिले निर्वाचित केन्द्रीय समितिको बैठकमा पदाधिकारीका नाम प्रस्ताव गर्ने व्यवस्था पार्टीको विधानमा छ।
प्रतिक्रिया