सिद्धार्थ मल्होत्रा र परिणिती चोपडाले देसी अन्दाजमा गरे फिल्मको प्रमोसन

अभिनेत्री परिणिती चोपडा र सिद्धार्थ मल्होत्रा अहिले आउनलागेको फिल्म ’जबरिया जोडि’को प्रोमोसनमा बिजी छन । मुम्बईमा हिजो पुरै देसी अन्दाजमा यी जोडीले फिल्मको प्रमोट गरे । जहिले आफ्नो हाउभाउले सबैको मन जितेकी चोपडा यो मौकामा पनि अरुलाई इम्प्रेस गर्दै सार्वज्निक भइन् । परिले जुन टीसर्ट लगाएकी थिइन् त्यसमा लव इज लव यू लेखिएको थियो र यसको साथमा उनले डेनिम स्कर्ट लगाएकी छिन् ।

यो लुक्समा परिणिता निकै राम्री पनि देखिएकी छिन् । सिद्धार्थ भने कलरफुल टिसर्टमा देखिएका छन् । फिल्म रोमान्टिक कमेडी विधामा बनेको छ । फिल्मको कथा विहारको पकडवा विवाहको बारेमा रहेको छ । परि र सिद्धार्थ दोस्रो पटक एकसाथ काम गरिरहेका छन् । यो भन्दा पहिला उनीहरुले हँसी तो फसीमा पनि सँगै अभिनय गरेका थिए ।

सिद्धार्थको पछिल्लो फिल्म अय्यारीले बक्स अफिसमा खासै कमाल देखाउन सकेन । त्यसैले पनि सिद्धार्थका फ्यानहरु यो फिल्मको प्रतिक्षामा रहेका छ्न् । फिल्मको निर्देशन प्रशान्त सिंहले गरेका छन् । ट्रेलरलाई राम्रो रेसपोन्स आएको छ । फिल्म आगामी अगष्ट २ मा प्रदर्शन हुँदैछ ।